[A:17] bsam mi khyab la sogs pa'i man ngag du ma dang / lam 'bras rtsa ba med pa gcig kyang gsan no/ /slob dpon shAnti pas kyang dge slong dpa' bo rdo rje sngags kyi bshad srol legs shing gdams ngag kyang che bar dgongs gsungs/ slob dpon 'dis phyis bod du byon te mu gu lung du bzhugs nas rin chen 'bar ba brtsams/ gser phul bas ma bzhes nas/ bla ma bod du ci la 'byon zhus pas/ bod kyi gangs lta ru 'ongs gsung / lo gsum bzhugs te nyi zer la bcibs nas rgya gar du bzhud/ da dung yang bzhugs pa yin skad/ gzhan yang kha cher Dom paNDi ta zhes bya ba gcig la'ang dbang bskur zhus nas gsang sngags mang du gsan te/ mdor na 'brog mi rgya gar du lo bcu gnyis/ bal por lo gcig ste lo bcu gsum bzhugs nas mkhas pa chen por gyur to/ /stag los ni sher snying rgya klog tu 'don shes pa tsam las ma shes pas/ khong bod du mi 'gro zer ba la gros btab nas gnyis ka bod du byon te/ mkhan slob gnyis kyis bsu ba mdzad nas mjal ba'i tshe/ mkhan slob kun gyis stag lo la khos chos mang po shes/ khyod kyis mi shes pa ci yin dris pas/ kho ka pA li re khyer nas de shed na phar yang yang 'gro yin 'dug /kho bos ni rdo rje gdan gyi byang chub chen po la mos par byung nas bskor ba byed cing bsdad gsungs so/ /'on kyang tshul khrims kyi mgo thon pas phyis stag tsho'i sde pa bzang la mang bar byung skad/ bla chen gyis mu gu lung dang lha rtse'i brag la bzhugs nas chos mang po gsung gin bzhugs pa las/ lha lcam
lha btsun ka li'i lcam mo mdzes ldan 'od chags
gcig la sras indra dang rdo rje'ang bltams so/ /skabs su spa gro'i tshur nye ba na gnam