[A:32]pa la zhu ba mang po ma byung / sgyer sgom se bo/ gshen sgom rog po/ 'phags pa chos snang gsum gyis zhus pas rdzogs par gnang / bsgoms pas ting nge 'dzin bzang po skyes/ se rog gnyis kyis dngos grub cung zad re thob skad do/ /de nas 'brom las gdams ngag 'phel ba ni med do/ /'o na lam 'bras 'brom lugs zer ba de ci yin snyam na/ de byed mkhan ni jo mo 'brom mo bya ba 'phan yul ba sa chen gyi slob ma zhig yin zhing / de la lam 'bras rdzogs pa'ang med la/ de'ang zhi byed dang rdzogs chen bsres pas rnam dag ma yin zhing / dam tshig kyang ma bsrungs ste/ shangs kyi chabs lha khang pa chabs ston chos dga' bya bas/ mdo sde la zhu rten du byas nas lam 'bras zhus pas der mi 'dod par nga rang gi chos la 'bul ba byung ba zhig 'dod zer/ der chabs ston gyis lho brag tu byon pas bsod nams chen po byung / der mo'i lam 'bras de bshad pas gcig gis dngul sga bzang po zhig phul te/ byang pa'i ko ba'i ska rags la dngul gyi phra bcug pa 'di mo 'dod pas ma phul/ der dpon slob gnyis mthu rgyag res byas zer ro/ /
lha btsun ka li ni jo mo'i ming po yin pas nye 'brel gyi stobs kyis gdams ngag tshang bar gnang ste 'phel ba ni med do/ /rje se mkhar chung ba ni zhabs tog chung yang yun ring ba dang spyod lam gyis mnyes nas man ngag thob pa yin gsungs so//
! 'di dag gi rnam par thar pa zhib tu brjod na gnyis/ gsung ngag ji ltar thob pa dang / yon tan brnyes pa'i khyad par ro/ /dang po ni/ se 'di'i 'khrungs yul mdog smad kyi 'brog pa/ gdung rus lce tsho bya ba lcam sring lnga yod pa'i lnga tshigs pa yin/ khong bu tsha chung chung tsa na gnag ma smad