[A:34]zhes bka' bkyon mdzad skad/ de nas lo gcig tu chos ni ma gsungs pas ma mjal/ 'on kyang gsung ngag cis kyang zhu snyam nas/ rje se sa lo bdun sgug gin bsdad/ jo mo'i g.yog gus par byas pas mgu bar byung / lan cig tshogs gral zhig tu glu shes pa med dam/ yod na long gsung ba la/ gzhan shes pa ma byung bas/ jo mo na re/ na ning gi 'brog chung de glu shin tu mkhas pa zhig 'dug ste/ de 'bod dam zhus pas/ bos gsungs nas/ bos te/ khong gis glu blangs pas shin tu mnyes shing / khyod da rung bsdad nas ci byed gsung / gsung ngag rin po che zhu ba lags zhus pas/ chos 'dod na nor khyer la shog gsungs nas/ yul du log ste gnag sum cu tsam yod pa de ri la rtswa zhag byed zer nas zhag 'ga' bsdad kyin log nas 'ong / de lta bu lan 'ga' byas te/ de'i bar la rtsis legs par btang bas kho rang gi nor skal la gnag de tsho thob par dgongs nas/ gnag rnams ded de sgyer phu nas mar byon nas gos rkyang jag dmar rkyang pa gcig las med pas 'khyags tsa na phyugs ma'i skyibs 'jo yin 'ong / gtsang po las lha rtse'i ko mkhan la sgrol byas par/ gnag drug drug la re re 'dod zer bas/ de byin na bla ma la 'bul rgyu mi 'ong snyam nas gtor ma gcig byas te/ bla ma dang chos skyong la gsol ba btab nas chuu la brgyabs pas/ 'bri zal mo gcig gis sna drangs te song ba'i rting ma gcig gi mjug ma la 'jus nas phyin pas chu las thon te/ mu gu lung du phyin nas gnag rnams bla ma la phul te gsung ngag zhus pas/ bla ma'i zhal nas/ 'bul ba chen po ma yin te/ nga yul phu gsum