[A:41]gis gang 'ong / des 'phrang de la 'grim tshad la zan rdog re dang chang phor re rgyun du ster ro/ /'di'i 'gron zan zos pa gcig gnyis dang rje pa gsung gleng byung / chos rje pas dbus su khong gi lo rgyus dris pas gzhan la rgyus ma byung / rgan mo gcig na re/ nga'i a mas zho chang gnon tsa na 'phyad mo nam mkha'i zho chang tsam shog /zer ba zhig yod skad/ mdor na bod kyi 'dra ba su ngo tsha chung ba dang / spyod pa rtsing pa la grub thob tu byed pa ma yin pa'i/ rgya gar gyi 'dra ba'i mdo rgyud nas bshad pa'i mthong lam yan chad kyi rtogs pa skyes pa kho na byung gsung / phyi ma 'dis lus ma spangs te/ 'on kyang brtson 'grus can 'bad rtsol gyis khams 'dus pa yin no/ /khong la dam pa gle ston bya bas chos zhus pas mi shes zer/ yang yang zhus pas/ lta ba 'di la yongs su gyis/ /lta ba yongs su mi bgyi ru/ /chos kyi dbyings la dog pa med/ /spyod pa 'di la dog tu gyis/ /spyod pa dog tu mi bgyi ru/ /rgyu 'bras nam yang bslu ba med/ /gdams ngag de la gyis zer ro/ /gzhan yang mar lo/ 'dzim lo/ khyin lo la sogs
'gos khug pa lhas btsas/ 'bro seng dkar shAkya 'od/
pa mkhas pa dang / grub pa thob pa mang du bzhugs par gda'a'o//
! lnga pa de dag las gsung ngag 'phel tshul ni gnyis te/ bla ma se las dang / rje dgon pa ba las ji ltar 'phel ba'i tshul lo/ /dang po ni/ bla ma se ston kun rig /de las gdams ngag thob pa'i slob ma ji ltar byung snyam na/ gdams ngag rab 'bring tha mar thob pa'i slob ma gsum las/ dang po ni/ gtsang smad sag thang sdings kyi zhang ston mched gnyis te/ che