[A:43]brtan po'ang yod/ mnyen lcug bzhi la mnga' brnyes pas stag dang bya la sogs par lus gzhan du sprul pa dang / lus kyi bkod pa du ma mdzad pa mi mang pos mthun snang du grub pa mthong ba byung zhing / bla chen
sa skya pa
gyis kyang gzigs te sku lus bdun tsam du sprul nas sgrub pa lung sbyin gyi dus su ngas kyang bsgom pa tsam med de/ khyod yid ches pa'i gnas su 'di tsam yod pa yin gsungs/ gzhan mi rgyud la sogs pa 'di ltar 'byung bya ba'i lung bstan yang mdzad do/ /de nas bla chen gyis jo sras sag ston dang zhang po ston pa bya ba 'dug pas 'di pa la'ang gdams ngag gnang bar zhu byas pas/ sag ston de'i snod ma yin/ sham po'i snod yin/ zhang po snod du rung tsam 'dug ste/ mi zhu bar 'dug pas khyed kyis zhus gyis gsungs nas/ rje la gdams ngag khyad par can 'dug pas zhus byas pas/ rdzogs chen la go nas bla ma zhang dgon pa ba'i gdams ngag shes zin brjed zin/ da mi zhu zer nas ma nyan gsung / mdor na yon tan de lta bu mnga' yang gsung ngag la thugs gtsigs che bar mdzad pas gzhan gyis tshor gyis dogs pa dang / rang gi yon tan la rlom pa med pas phyi rol du sbas pa'i rnal 'byor du bzhugs pa yin no//
! gnyis pa 'bring du thob pa ni zha ma lcam sring yin te/ yul la stod rje khum bu pha drug gi zha ma brgya bzhi pa'i nang nas zha ma me reg bya ba yin/ lcam sring drug yod pa'i gnyis kyi 'og ma lha rje zha ma mtshan rgyal mo lcam/ de'i 'og ma ming po zha ma chos kyi rgyal po/ yul la stod na rje khum bu ba zhes zer/ lcam mo lo bcu bdun pa la 'brom ra tsha yud de bya ba can du khyim