[A:51]du bsnyungs pas bshums pa la/ yum na re/ pha jo sras kyi bu bya ba la snying rus dgos pa yin/ snying rus kyi tshugs kha'am/ khyod dge 'dun rgya mtsho lta bu 'di'i gseb tu shi na rang legs pa yin te zer nas shed bcag skad/ der bsnyung dwangs nas ngur smrig pa brang ti dar ma snying po las mngon pa tshar gcig gsan pa la thugs su chud pas kun gyis ngo mtshar du 'dzin par gyur/ dge bshes brang ti pa sku gshegs te/ zur chos pa/ byang 'chad pa/ khyung la sa sde dang sdom gnyis la sogs pa gsan cing / nyang stod du khyung rin chen grags pa las rnam nges dang rig thig la sogs pa gsan/ zur chos pa mi dig pa yin/ de tsa na sa skya pa'i gzhi pas phrin bskur te tshad ma phyis gsan pas chog /bla ma ba ri ba bgres pas phyis gsan pa mi 'ong bas yar 'byon par zhus pas/ yar byon nas bla ma ba ri ba'i chos skor thams cad thugs su chud par mdzad do/ /de nas grom pa g.yu rtse 'jid phur mes lhang tsher las rnam nges/ rig thig /rang rgyud shar gsum la sogs pa gsan no/ /de nas bla ma ba ri lo tsA bas gdan sa gtad de/ yun mi ring ba na bar phug tu ba ri ba sku gshegs so/ /de nas bla ma gnang kha'uu pa'i drung du byon nas bya spyod dang yo ga'i skor phal che ba dang / gsang 'dus 'phags skor dang / ye shes zhabs lugs phra mo dang bcas pa/ mngon rtogs rgyan ma gtogs pa'i byams chos bzhi/ bslab btus/ spyod 'jug /mdo kun las btus dang / spyod phyogs phra mo mang du gsan no/ /bla ma gnang 'di btsong sgog la dgyes pas dkon mchog gi drung du'ang