[A:66]zhugs la bzhen pa de'i tshe spyan snga na bzhugs pa thams cad la'ang yid mi bde ba med par ting nge 'dzin dang ldan zhing zhal bzhi par ni thams cad kyis mthun par mthong la/ kha cig gis ni dgyes rdor zhal brgyad par yang mthong zhes zer ro//
! gsum pa de la slob ma'i mchog ji ltar byung ba ni/ sgyi chu ba las dbang zhus pa'i sta gon gyi mnal lam rnams dang / rje dgon pa bas lung bstan pa gnyis mthun par zam pa gsum las dang po la mi gsum bsgral ba ni lus ma spangs par tshe 'di nyid la phyag rgya chen po grub pa gsum ste/ singga gling gi gling phran zhig nas 'ong ba'i a tsa ra gcig /byang chub sems dpa' stag /sgom pa skyi 'bar ba dang gsum mo/ /dang po ni/ singga gling nas mkhan po nyan thos dgra bcom pa zhig gis bod na rnal 'byor dbang phyug gi sprul pa sa skya pa bya ba yod kyi/ de can song gsungs nas lung bstan te a tsa ra gnyis 'ongs pas gcig bal po nas log /gcig bla chen gung thang na la rtse na bzhugs pa'i tshe 'ong nas dbang zhus/ ga guu la zhes pa zab chen gyi bla bre bzang po zhig phul te khrid phog nas bsgoms pas zla ba gcig tsam nas mngon par shes pa la sogs pa'i yon tan dpag tu med pa skyes/ bden pa mthong ste dpal gyi ri la song skad do/ /stag ni sgom nyams skyon med 'ba' zhig skyes pa thod rgal gyi lam bgrod pa ste/ re zhig lus bor ba las phyis lus de nyid la zhugs nas grub pa thob ces zhes grags so/ /sgom pa skyi 'bar ba ni yul 'phrang 'og pa ste/ khong gis dbang dang gdams ngag zhus te bsgoms pas ting nge 'dzin mang po skyes/ mngon shes brtan po dang rdzu 'phrul ci rigs pa'ang yod pa la/ bla chen sku