[A:74]te/ nam phyed bar du thugs dam gyis dus 'da'/ de nas tho rangs snga mor na bza'i 'tshags mdzad/ dgun yin yang sku regs gis bum pa dril nas tho rangs khrus mdzad nas thugs dam la 'jug /chos gsungs pa'i dus su'ang chos gsungs du byon pa la kye rdo rje sgom gyin byon nas khri thog tu pheb pa dang dbu rgyan la rigs bdag tshar yang chos gtor de la thun gtor gyi dod mdzad/ chos gsungs pa la bzlas pa mdzad/ chos thon pa dang yar lam bde mchog cig sgom gyin gshegs/ mdor na nyin zhag phrugs re la dkyil 'khor mi 'dra ba bdun cu tsam re bsgoms/ gzhan yang / yang na thugs dam/ yang na gzigs rtog /yang na chos gsungs pa ma gtogs pa sku gsung thugs tha mal du bzhugs pa sus kyang mthong ma myongs skad/ gsum pa la bshad pa mdzad pa ni/ gzhung ji ltar dka' zhing ma 'dris kyang sngar blta mi dgos par ngag 'don len pas slob ma rnams kyis rtogs sla ba dang / bstan bcos brtsams pa na sdeb sbyor gtso bor mi mdzad par phan pa lhur mdzad mod kyi/ brjod bde zhing rtogs sla la rna bar snyan pas mkhas par rnams kyi yid 'phrog pa dang / gzhan gyis brtsad cing dris pa na spobs pa mi thogs par lung rigs kyi sgo nas chos dang mthun par lan 'debs pas pha rol po'i log rtog sel ba dang / ngo mtshar ba thob pa'ang yi dam lhas byin gyis brlabs pa dang / bsams na shes pa'i mngon shes dang /
chos rje pa byang ngos su 'byon par lung bstan/
lha klu dag gis dris pa'i the tshom sel ba dang / dgos pa khyad par can gyi tshe lha klu la sogs pa ji ltar bsgo ba bzhin nyan pa dang / nyid kyis kyang rtogs par