[A:77]btsun gyi slob ma jo sras las kyi rdo rje/ sha ston blo gros/ gur rgyan zhus pa'i ming / grags pa'i mtha' can gyi ming bzhi sogs mang po byung ngo / /spyir ngas skye ba bdun tsam dran pa rmis/ gnyid sad pa dang ston pa sngal ston gam na 'dug pas gsung rnams thos/ de nas mnal sad pa dang / spal ston na re/ 'di 'dra gsung gin gda' byas nas/ dpe g.yeng bas 'grel pa de snang / tshigs bcad mi snang ngo / /dus phyis lo so bdun bzhes nas slob dpon rin po che bde ba can du gshegs nas ring por ma lon pa'i tshe dgun gyi tho rangs mnal du song ba'i tshe slob dpon rin po che'i gdung gi gseb na sbrang po che'i skad lta bu'i sgra bar snang la 'thon te 'di skad ces/ khyod 'di nas byang phyogs su zhing khams dpag tu med pa 'das pa na 'jig rten gyi khams gser mdog can zhes bya ba de bzhin gshegs pa gser 'od rnam par brtsegs pa zhes bya ba'i bstan pa la da lta 'khor los sgyur ba'i rgyal po bsod nams mtha' yas zhes bya ba bzhugs/ de'i sras 'khor los sgyur ba'i rgyal po yon tan mtha' yas su skye'o zhes pa'i sgra bar snang la grag go /zhes gsungs/ lo zhe dgu pa la ru mtshams su sngar res byon pa'i mnal lam na/ ri chen po zhig gi zhol na khang pa chen po zhig gi 'og na'ang mi mang po tong tong 'dug /steng na'ang mi mang po 'dug pa'i dbus na bla ma yab sras bzhugs pa'i drung nas gzhan zhig tu bzhugs dgongs tsa na/ bla ma yab sras kyis bzhi pa'i lam bstan nas mi snang bar gshegs/ steng gi mi rnams la khyed 'gro 'dod pa yod na nga'i zla la shog /lam rgyus nga la yod pa yin byas nas ri de'i 'phred