[A:9]byung / bshad pa'i bka' shin tu ngan te/ rtsa ba dmar dmar 'di 'grel pa nag nag 'dis 'chad pa 'dra zer ba tsam las ma byung / byang sems kyi'ang sems bskyed kyi bka' srol tsho nub/ gsang sngags la'ang chags lam dang drag po mngon spyod kyi lag len dar ba zhig byung / de'i tshe yab mes kyi chos khrims dang rgyal khrims gnyis ka brlag par byas pas lkog tu gsang nas nyams su len pa re re tsam min pa dngos su chos bya sa med nas/ gram pa rgyang nas bros pa yin nam zer ba'i gtsang g.yo dmar gsum gyis re zhig chu bo rir gab nas bzhugs/ de nas khong rnams kyis 'dul ba mdo rtsa 'od ldan/ las chog karma sha tam/ mngon pa mdzod la sogs pa'i dpe cha dre'u'i khal gcig bkal/ btsun chas bsgyur te dwags kong nas brgyud de bros song bas mdo smad du thar ro/ /de dus na yer pa'i brag la lha lung dpal gyi rdo rjes sgrub pa mdzad kyin yod pa la yer pa'i ri la rab tu byung ba'i gzugs kyis rnga dang rol mo khyer nas ri dwags ded pa mthong nas ci yin dris pas rgyu mtshan bshad pa dang / chos kyi bstan pa nyams pas ma bzod nas 'phan yul bskor te sgo la lar byon nas lha sar slebs pa dang / bran mo chu len cig la rgyal po bzhugs sam mjal ba yin byas pas bzhugs so/ /dar cig na gla ba'i tshal gseb na skyo sangs la 'byon gyi zer ba dang / rta dkar po/ ber dkar po/ mdung dkar po la sol ba byugs nas mi nag rta nag /mdung nag can gcig tu byas te phyin pas/ rgyal po sdong po'i bsil grib la mig mangs rtse yin yod pa'i yid ma bde nas rdo ring gi yi ge klog gin yod pas mthong ste mgon po nag po byung zer/ rtsar phyin nas zhe sa byed pa skad byas te lcags mda' brgyabs kyang