[A:85]gsan cing / rnal 'byor gyi rgyud bod du ma 'gyur ba gsum gsan nas bsgyur zhing / gzhan yang sngags kyi phreng ba mang du gsan/ de nas paN chen yar byon nas nyung chung du bzhugs pa'i dus su/ rje pa la rab tu byung bar zhus pas gnang ste/ dgung lo nyi shu rtsa bdun pa la paN chen gyis mkhan po/ spyi bo lhas pas las kyi slob dpon/ zhu don mo ri pas gsang ste mdzad nas dge slong gi dge 'dun dang bcas pa las rab tu byung zhing bsnyen pa rdzogs par mdzad/ spyad bya dang bsrung sdom la brtson 'grus gyis shig gsungs nas/ jo gdan shin tu thub zhig chos rje pa'i rtsar bzhag nas 'phral gyi spyod pa la skyon gtong gin pa zhig byung skad do/ /de nas bzung ste mkhan po de nyid la tshad ma rnam 'grel/ rig thig /rgyud gzhan/ grub pa rgyan/ chos mchog /sel ba brtag pa la sogs pa phran dang bcas pa gsan/ sher phyin la bdun brgya pa phyogs glang gi don bsdus/ mngon rtogs rgyan rtsa rkyang gi bshad pa la sogs pa gsan/ mngon pa la theg bsdus/ rnam bshad rig pa/ nyi shu pa dang / sum cu pa la sogs pa gsan cing thugs su chud par mdzad do/ /de nas rtsegs pa dbang phyug seng ge la dbu tshad dang byams chos rnams legs par gtugs shing / zhu hul la'ang rigs tshogs dang rang rgyud ci rigs par gsan/ 'dul ba la so thar mdo rtsa 'od ldan la sogs pa dang / gsang sngags la dus 'khor rgyud 'grel cha lag dang bcas pa/ gsang 'dus 'phags pa dang / ye shes zhabs skor gnyis/ bde mchog rnams dbang 'grel pa man ngag dang bcas pa ci rigs par gsan/ de'i