[A:87]pa las 'byung ba ltar dgos bsdus/ tshig don mtshams sbyar/ brgal lan gyi sgo nas gzhung mtha' dag legs par gtan la 'bebs shing / dris pa'i tshe spobs pa thogs pa med pa skabs su babs pa'i lan chos dang mthun par 'debs la/ rig pa'i gnas lnga gang 'chad kyang mkhas pa rnams kyi yid 'phrog par mdzad pa dang / mi ma yin pa dag gi the tshom gyi drwa ba'ang gcod par mdzad pa yin no/ /de'ang chos rje pa bsam yas su byon pa dang / btsad pos chos 'khor la spyan drangs nas lam 'bras a thor thon/ rgyud kyi'ang brtag pa phyi ma'i le'u lnga pa thon tsam na srin po ri pa dang / yon mchod kyi 'brel zab par yod pas btsun ston gyi gral mgo la gdan 'dren du byung / spyir yang dbus na dge bshes che ba re spyan 'dren/ 'bul ba tsho'ang de la byed/ des kyang thab ka byed dgos zer/ der gzhung lhag mtsho bklags/ de nas chos dang / gros dang / byin rlabs zhu ba mang po byung / der go ba che shos shig na re/ 'o cag gi zhu don la tshar ba mi 'ong / da lta rang bzhud pa yin/ sku khams ldog /'deng zer song / der nye gnas kyis phyi nas sgo lcag bcug ste tsog ge ba zhig la mnal log pas/ mnal lam du mi skya bshar tshan zhig byung nas phyag mtshal/ phyag rten phul nas/ gral mgo ma na re/ chos rje pa/ skye rga na 'chi'i chu bo chen po bzhi po 'dis sems can thams cad sdug bsngal bar mi gda' ye zer/ de de bzhin du 'dug gsungs pas/ 'o na 'di la phan pa'i gsol 'debs 'dra mi bdog gi zer bas/ 'o na 'di bzhin gsol ba thob gsungs te/ skye ba skye ba med pa'i tshul rtogs kyang / /da dung skye ba'i gzeb