[A:88]las bdag ma grol/ /skye ba kun tu skye bar skye 'gyur ba'i/ /skye ngan bdag gis skye ba'i skyabs mdzod cig /gyis la gsol ba thob gsungs pas/ 'o na rga ba la sogs pa la'ang de bzhin sbyar bas mchi bar mi gda' ye zer/ 'o na go 'dug bsam ste/ de bzhin du yong bar 'dug gsungs pas/ phyag re btsal nas thugs la btags zer song ba rmis te/ mnal sad de bsams pas de bzhin 'ong bar 'dug gsung skad do/ /rtsod pa'ang rang gzhan gyi gzhung lugs la mkhas pas tshig zur phyin pa dang / mi 'jigs pa dang / brtan pa dang / mthun par byed pa ste smra ba'i rgyan bzhi dang ldan pas gtam gyi nyes pa mtha' dag spangs te rang phyogs sgrub pa dang / gzhan phyogs legs par sun 'byin pa'i sgo nas phas rgol gyi log par rtog pa rnams bsal te phyin ci ma log pa'i grub mtha' la blo khrid par mdzad pas/ rig pa'i gnas lnga la ches cher mkhas par rlom pa dag gis kyang spobs pa yongs su gtugs par mdzad pa zhig ste/ de'ang chos rje pas mdzad pa'i/ shes bya thams cad gzigs pa'i spyan yangs sogs slob ma zhig gis rgya gar du bsgrags pas/ de'ang chos rje nyid skyid grong na bzhugs pa'i tshe/ dbang phyug dang tshangs pa la lhar byed pa'i drang srong rgyas pa dang / ser skya dang / gzegs zan la sogs pa'i rjes su 'brang ba'i/ 'phrog byed dga' bo la sogs pa phyi rol pa'i ston pa drug gis kho bo cag kha ba can gyi ljongs su song la/ de na gnas pa'i skye bo go'u ta ma'i dge sbyong du khas 'che ba bud med kyi brtul zhugs 'dzin cing lta ba dang spyod pa ngan pa la zhen pa de dag bzlog par bya'o zhes dam bcas pa de