[A:10]zer/ mdung bsnun yang zer te/ gang ltar yang rgyal po la mtshon bsnun pas/ rgyal po na re/ yang na lo gsum gyis sngas/ yang na lo gsum gyis 'phyis zer ro/ /de nas lha lung dpal gyi rdo rjes gtsang po brgal nas byon pas sol ba dag ste/ mi dkar rta dkar mdung dkar can gcig tu byas nas nga gnam thel dkar po yin zer zhing byon te/ grib mda'i 'o brgyal thang la nub mor gzims nas tho rangs yer par byon/ spre'u dmar ser du bya rgod kyi thul ba gsol/ nye 'khor rnams su rdul dang dud pa gtor/ de'i steng du mug ma mang po gtor bas/ phod thul le/ rdul khad de/ mug rjes lam me bzhugs pas mi rnams na re/ rgyal po sdig can la lha ma srin rnams kyis chad pa phab nas bkrongs so zer/ blon po dang rjes gcod rnams kyis yong ste mthong bas rgyal po bkrongs mkhan lha lung dpal gyi rdo rje bya ba'i mi ma 'phrul 'di yin pa 'dra ste ma rnyed zer nas log song skad/ de nas khong rgya nag tu bros pas thar/ mdor na khong gi nus pa dang / g.yo thabs kyis rgyal po bkrongs kyang bstan pa nyams ches pa'i shugs kyis/ bstan pa 'phel ba dang dar ba ni yun ring gi bar du ma byung ngo / /
gsum pa bstan pa phyi dar gyi lo rgyus la stod nas dang / smad nas bstan pa ji ltar dar ba'i tshul gnyis kyi/ dang po ni/ lha bla ma ye shes 'od dang / jo bo rin chen bzang pos bstan pa'i me ro stod nas bslangs pa yin te/ tshul ji ltar na/ dar ma'i sras khri dar ma 'od srung dang / khri lde yum brtan gnyis byung / 'od srung gi sras mnga' bdag dpal 'khor btsan/ de'i sras bkra shis brtsegs pa dpal dang / skyid lde nyi ma mgon gnyis/ nyi ma mgon