[A:97]sogs pa dang / slob dpon las so thar dang / mdo rtsa la sogs pa dang / gsang ston las sde bdun la sogs pa mang du gsan te mthar phyin par mdzad do/ nyer gsum pa la ldong ston gdan drangs nas rtse lngar byon te/ gshin rje'i gshed/ gdan bzhi/ ma hA mA yA/ rdor dbyings/ dus 'khor rnams dbang rgyud 'grel pa cha lag dang bcas pa/ mtshan brjod/ gsang 'dus/ grub snying la sogs pa sngags kyi skor dang / rigs tshogs/ bstod tshogs/ mngon pa kun las btus la sogs pa mtshan nyid theg pa'i skor mang du gsan no/ /de'i tshe 'jam dbyangs kyi rnam 'phrul sngon ma byung ba'i 'od kyi drwa bas bsu ba dang / mchod pa'i khyad par du ma thams cad kyis mngon du gyur par snang ngo / /gzhan yang lo de nyid kyi zla ba bzhi pa'i tshes bcu gsum gyi mtshan mo chos kyi rje sa skya paNDi ta gsal bar byon nas chos kyi gnad mang du gsung / khyod 'di ni bzung ste lo 'bum phrag gcig dang stong 'das pa'i rjes su phyag rgya chen po mchog gi dngos grub thob par lung bstan cing / dbugs dbyung ba'i ngang nyid las/ srid par sdug bsngal du ma yis/ /yun ring dus su dub pa bdag /legs par gsungs pas dbugs phyin pa/ /thugs rje'i dbang phyug mkhyen pa'i gtso/ /chos kyi rje la phyag mtshal lo/ /zhes bstod pa mdzad ces gsungs so/ /de nas slar rgyal po'i pho brang du byon nas chos 'khor rgya chen po bskor ba'i tshe/ tha shang la gyin zhes pa'i rjes su 'brangs pa'i zin shing gi rab tu byung ba mang po yod pas lta ba ngan pa la zhen pa dag rang gzhan la gnod par 'gyur ba gzigs nas/ rgyal po'i bkas bskul te/ zin shing gi ston pa ring du sbyangs pa rang gi