[A:510]bsgoms pas nyams myangs te/ /mtha' gnyis bral ba'i mkha' la gshegs pa'i shul/ /nges gsang rin chen mtha' dag rin che yang / /tshul 'di brgya byin thogs pa'i nor bu bzhin/ /lo paN chos kyi ded dpon mchog rnams kyi/ /drin las gangs ri'i khrod 'dir gsal bar snang / /bdud rtsi zags pa'i zla bar ris med kyang / /de 'od 'thungs nas 'phel ba chu gter nyid/ /gsung ngag rin chen phreng ba dri med pa/ /kun gyi spyi nor yin yang sgos skal bzhin/ /ston pa thugs rje can gyi bstan pa la/ /bya ba cung zad bgyis kyang bsod nams stobs/ /sbom por 'gyur ba'i dus 'dir blo ldan rnams/ /sri zhur mdzod ces phyag bcas bdag gis gsol/ /ji ltar rin chen dang por bzo byas pa/ /gzugs brnyan cir yang khyad du 'phags pa bzhin/ /tshul 'dir mkhas snyems grags 'dod ma yin par/ /lhag bsam dag pas bsnyen byas skal bzang mchog /gsung ngag ganggA'i bu mo 'dir/ /tshad ma bzhi ldan rba rlabs 'dzum/ /'dir 'bad rnyog pa'i cha mchis na/ /bdag gcig skyon yin snying nas 'chags/ /dge tshogs rdzogs ldan gser gyi sprin chen gzhan phan nam mkha'i mthar thug par/ /'gro ba'i yid la chos dang mthun bkod kun tu bzang po'i zlos gar rtse/ /thub bstan bshad sgrub lo ma me tog snye ma'i phung pos lci ba yis/ /sa gsum ma lus phyur bur 'gengs pas phan bdes kun khyab rgyur gyur cig /bkra shis yid 'ong nor bu'i gdugs dkar rab 'byams zhing du 'bubs pa po/ /bkra shis mchog gsum gser gyi yu ba rtag