[A:50]du gshegs pa yin/ sku gdung zhugs 'bul shar chen ye shes bzang pos mdzad/ dgongs rdzogs dus ja sogs kyi rgyun da lta yang bzang po yod pa 'di'o/ /bla ma bsten pa'i ched du brje thor bris pa'o// //mkhan chen lhun grub dpal ldan ni/ shar mi nyag gi yul 'dun pa zhes par rigs stag ra pa tshan bcu gnyis nang stag ma/ yab rdo rje thar/ yum rgya zag ces pa'i sras su shing byir 'khrungs/ skyed tshal ba'i rab 'byams pa cig la tshe dbang zhus nas mtshan dkon mchog bkra shis su gsol/ chung ngu nas byis pa'i spyod pa mi mnga'/ 'jig rten gyi spyod pa la nges 'byung dang skyo shas drag po mnga'/ bya byed thams cad bsnyel ba med/ sku chung ngu nas yi ge'i phyi mo nas brtsams te 'don chos spyod/ mngon rtogs rgyan sogs gzhung chen du ma thugs su chud/ dgung lo nyer bzhi par e waM du rje shes rab 'byung gnas dang mjal/ sdom pa gsum bka' drin nos/ mtshan lhun grub dpal ldan du gsol/ de ltar shar chen nyid dang / sa skya zhabs drung a mi lags yab sras/ mkhan chen bsod nams rgya mtsho sogs las gsan rgya rgya cher mdzad/ dgung lo so bdun par ngor gyi dbu mdzad dang zur chen mdzad/ mkhan chen bsod nams rgya mtsho gshegs nas/ sku gdung bzhu ba dus ja'i thebs su mdo khams thang dkar dgon du 'bul sdud la byon/ glang lo hor zla dgu pa'i tshes bdun la ngor gyi gdan sar 'khod/ stag lo'i bar phrin las bskyangs/ de nas e waM phan bde khang gsar du bshad sgrub la sku tshe dril/ dgung lo don bzhi par me mo glang lo'i zla ba drug pa'i nyer bdun la sku gshegs so/ /rgyas par rje 'di'i rnam thar kho bos logs su bris par blta'o// //bdag shAkya'i dge slong sangs rgyas phun tshogs ni/ sa mo glang gi lor mnga' ris smad kyi tre ba'i 'brog gseb tu pha gnam ru g.yung drung skyabs dang / ma 'a pham bu 'dren gyi bur skyes/ lo bcu gsum par sgrub