[A:52]stod rje lung rgya mtsho gling du yab u rgyan yum brang ti dbon rigs dpal 'dzom gyi sras su lcags glang lor 'khrungs/ sku na chung dus nas sku zhang mkhan chen shes rab rgya mtshos thar rtser blangs/ mkhan chen lhun grub dpal ldan dang / slob dpon rje shes rab rgya mtsho sogs las bslab tshigs snga phyi rnams rim gyis nos/ ngor pa'i gzhung don bzhi sogs bslab sbyangs mdzad/ nyer gsum pa phag lor mdo khams dga' stod du 'bul sdud la byon/ slar so lnga pa shing phag lor ngor gyi gdan sar 'khod/ gong du smos pa'i mkhan po dang / bdag cag gis chos bka' rnams 'bul gang thub byas/ da lta phrin las bskyangs pa 'di nyid do/ /'dir smras pa/ bla ma brgyud pa dang ni rgyud don rig /ces sogs dri med lung gis grub pa bzhin/ /legs par bsams nas kho bos tshul 'di sbyar/ /dge des bstan dang 'gro ba'i don 'grub shog /ces gsung ngag bla ma brgyud pa'i spyi'i lo rgyus kyi kha bskang / e waM chos ldan gyi gdan rabs nor bu'i phreng mdzes zhes bya ba 'di yang / dge slong sangs rgyas phun tshogs kyis dpal e waM chos ldan gyi chos grwa chen por sbyar ba'i yi ge pa ni rang gi chos kyi bur gyur pa mdo khams pa shes rab lhun grub kyis bgyis pa'o/ /ji srid mkha' la nyi zla'i bgrod pa ma chad kyi bar du/ de srid chos 'di'i phrin las kyis rgya mtsho'i gos can khyab par gyur cig/ //kha skong pod 'di'i mjug nas bzhes rgyur/