thugs brtson dang gsan rgya che'ang sku tshe ma rings bas bstan lar cher smin ma khom/ dgung grangs so bdun bzhes pa sa phag zla ba gsum pa'i tshes bcu gcig la zhi bar gshegs/ dgongs rdzogs rnams mdzod 'jam dpal blo ldan dang / phan bde bla brang mkhan rin po che slob 'khor gyis bsgrubs pa'o// //
! gdan rabs re gcig pa byams pa dpal ldan chos mdzad ni/ mkhan chen dpal ldan chos skyong gi dbon brgyud 'khrul med spis grong zur khang zhes par 'khrungs/ phan khang bla brang du bzhugs/ 'jam dbyangs rin chen rdo rje las rab byung / bsnyen rdzogs/ sems bskyed/ kye rdor rgyu lam gyi dbang / lam 'bras/ mkha' spyod ma sogs du ma dang / dpal ldan blo gros rgyal mtshan/ mchog sprul shes rab rgya mtsho/ ngag dbang blo gros snying po rnams las bka' chos du ma gsan/ ngag dbang bstan pa'i rgyal mtshan gyi gdan tshab tu mkhan po lo shas mdzad skabs stod smad kyi bla sprul mang po pheb pa dang / lo legs skya rgyal ba sogs dge mtshan gyi ri mo rnam par bkra zhing / da lta zhabs pad brtan bzhin pa'o//
! gdan rabs re gnyis pa 'jam dbyangs kun dga' bstan pa'i rgyal mtshan ni/ yab brang ti mkhas pa'i gdung brgyud shes rab seng ge dang / gsang bdag sgrol phug pa'i rigs las chad pa'i yum la thar rtse rdo rje 'chang byams pa kun dga' bstan pa'i rgyal mtshan slar yang ye shes sgyu 'phrul drwa ba'i rol gar du sku bltams/ chung ngu nas dam pa'i rigs sad cing thugs dkyil che/ ngor thar rtse bla brang du pheb/ khu bo mkhan chen 'jam dbyangs rin chen rdo rje'i drung du gtsug phud phul/ e wa~M pa'i tshogs 'don/ rgyud chung bzhi sogs thugs 'dzin gyi rtser son/ mkhan chen de nyid kyis mkhan po dang / las slob sogs dad pa'i dge 'dun grangs tshang ba'i dbus su tshigs gsum rim nod kyis bsnyen par rdzogs/ brgyud pa'i khyad par gnyis ldan gyis sems bskyed/ gsung ngag slob bshad sogs smin grol byin rlabs lung sogs rgya cher gsan/ dpal nA lendra'i mkhan po snyan grags thar pa las sum rtags/ snyan ngag dang / dbang lung mang du gsan/ kye rdor sogs yi dam du ma'i bsnyen sgrub mthar phyin/ rgyal ba rdo rje 'chang gi khri la mnga' gsol nas stod smad kyi skal ldan gdul bya'i tshogs la smin grol chos kyi 'khor lo bskor bas sku bzhi'i sa bon thebs par mdzad bzhin du bzhugs pa 'di nyid slar yang gsang gsum mi shigs rdo rje tshe mtha' yas pa'i ngor 'tsho zhing gzhes la zab rgyas chos kyi 'khor lo rgyun mi 'chad par bskor ba'i phrin las rtag cing khyab la lhun gyis grub par gsol ba 'debs pa lags so/ /rgyal bas rgyal ba'i go sar mnga' gsol ba/ /gang de'i gdan rabs nor bu'i phreng ba yi/ /zhal skong bdud rtsi'i thigs phreng 'di spros la/ /rnyog pa mchis na snying nas mthol zhing 'chags/ /lhag pas byas pa'i dge tshogs ganggA'i rgyun/ /gzhan phan nor bu'i rba rlabs 'phro ba yis/ /'gro ba'i yid kyi dri ma kun bsal nas/ /thams cad byang chen rgyal sar phyin gyur cig /khyad par lam gyi yang rtse bla ma yi/ /gsang lam zab mo mig 'phrul lta bu yis/ /myur bar bgrod de tshe 'di kho na la/ /sku bzhi ye shes lnga ldan nyid gyur cig /ces gdan rabs nor bu'i phreng ba'i zhal skong bdud rtse'i thigs phreng zhes bya