[A:58]song 'dug pa'i rmi lam na/ rgya gar shar phyogs nA lendra na/ lho phyogs na ri chen po nags tshal byas pa cig yod/ de nas ri khor chung cig la nags tshal yod pa can zhig na dgon pa cig yod/ de na dge bsnyen sngags pa paNDi ta rgan po cig yod pa la/ de'i byang na yul chen po cig gis byang ngos su rgyal pos lha khang brtsigs nas de'i rab gnas su zhu ru byung bas/ da nga rgas pas mi nus/ nga'i ming mu kha a nanta ma ti bya ba de sgo gong du bris la/ de'i rab gnas byas pa yin gyis la zhog /des bar chad bsrung bar 'gyur ro/ /phyis nga'i slob ma paNDi ta che ba cig la rab gnas kyi cho ga rgyas par zhus shig gsungs nas bgres po de tshe'i dus byas so/ /de nas bya rgod phung po'i ri'i byang phyogs na btsun pa paNDi ta bgres po cig 'dug pa de tshe'i dus byas nas/ uDyan gyi yul gyi byang ngos na brag ri chen po cig yod pa la dgon pa gcig 'dug pa de'i dpon po btsun pa paNDi ta bgres po cig 'dug pa de 'das nas bod gcung pa'i yul na lung pa'i phu byang na yod pa/ mda' bye tshub ldang ba cig 'dug /de nas gad gle cig la shar nas 'dzegs nas byang du kha bltas pas gad them la 'dzegs pa'i dgon pa cig na/ lho phyogs na nag po tshang byas pa/ byang phyogs na mchod khang yod pa de na gser gyi mchod rten cig yod/ nyal sa khyams stod khyams smad kyi mtshams na sngas shar du bstan pa cig yod/ de na sngags pa bgres po cig yod pa des mtshan brjod mang du bshad/ de dus na bla ma sa chen yang slob mar 'dug /mtshan brjod kyi 'grel pa sngags don rnams gzigs bya ba yin/ de'i dbu na/ thob dka' rgyu dang spyod pa yis/ /mtshan gyi don rnams bsdus pa yin/ /zhes bris yod de/ thob dka' 'bras bu'i rgyud/ rgyu dag gis rgyu'i rgyud/ spyod pas thabs kyi rgyud bstan te/ mtshan brjod rgyu thabs/ 'bras bu gsum