[A:63]zhus pas/ bla ma'i g.yon ngos na sprul sku shAkya thub pa la nyan thos kun shes kauNDi nya la sogs pa lnga/ shA ri'i bu dang / maud gal gyi bu dang / kun dga' bo sde brgyad kyis bskor ba sprin nam 'ja' tshon ltar mthong ba dang / der bla ma'i zhal nas/ sdom pa len na 'di la blangs pas chog /de min na 'di tsug byas kyang chog pa yin te/ sprul sku 'di dang dges rdor zhal brgyad pa 'di ngo bo gcig yin/ nyan thos brgyad dang lha mo brgyad ngo bo gcig yin/ dge slong ma grags 'dzin ma sa spyod/ sgra gcan 'dzin mkha' spyod ma yin pas/ /lha dgu po'i dkyil 'khor 'di nyid la sdom pa blangs kyang chog mod gsungs pas/ de yang de tsug gda' zhes zhus pas/ bla ma'i zhal nas 'o na khyod bla ma dang sangs rgyas kyi zhal mthong ba gang bzang snyam du gsungs pas/ de dag dus gsum gyi sangs rgyas thams cad kyi ngo bo bla ma dngos mthong na bzang lags te/ da lta zhal mthong ba'i skal ba mi gda' ba zhes/ bla ma bzhugs bzhin du zhal mthong ba'i skal ba mi gda' gsungs pa snyam byed pa cig byung ngo / /de nas bla ma'i zhal nas da khong pa gnyis la khyad med pas btsun pa byed na yang mkhan po byed lugs shes par mi 'dug gam gsung ba gda' zhes zhus pas/ 'o na khyod btsun pa byed na mkhan po gang la zhu/ dbang bskur zhu na gang la zhu gsung ba snyam byed pas/ bdag btsun pa byed na mkhan por gyur pa dang / dbang bskur zhu ba'i bla mar gyur pa ni bla chen nyid lags so zhes zhus pas/ de de bzhin no gsungs nas/ bla chen nyid las 'khor byang sems nye ba'i sras brgyad 'dug pa snyam byed pa dang de la g.yas g.yon gyi longs sku lha dgu dang / sprul lha dgu bla ma la thim par mthong / bla mas chos kyi sgro 'dogs mang du bcad nas/ rigs kyi bu chos thams cad kyi de kho na nyid 'di ltar yin mod gsungs nas/ mi snang bar gyur pa dang mnal sad