[A:102a]rgyal ba mus pa chen po rdo rje 'chang sangs rgyas rgyal mtshan/ sprul pa'i sku lo nas spyan snga rin po che kun dga' don grub/ mkhan chen thams cad mkhyen pa ngag dbang chos kyi grags pa la sogs te yongs 'dzin dge ba'i bshes gnyen bslu med kyi bla ma du ma'i zhabs sen rin po che dbang gi rgyal po spyi bo'i cod pan du 'dzin pa'i skal ba bzang po can dpal sa skya pa shAkya'i dge bsnyen paNDi ta
mkhas pa/
sngags 'chang ngag dbang kun dga' bsod nams grags pa rgyal mtshan dpal bzang pos bsam pa dag cing sbyor ba gus pa'i sgo nas chos kyi rje bsod nams lha'i dbang pos mdzad pa'i bka' gdams chos 'byung nyin mor byed pa'i 'od stong zhes bya ba'i gsung rab la gzhi byas/ tshig sbyor cung zad ma nges pa rnams btang snyoms su byas te/ 'phags pa'i yul na bha wa ra/ zhes pa/ gangs can gyi yul du dngos po zhes grags shing / rgya nag lugs la shing pho khyi'i lo nag pa zla ba'i dkar phyogs dga' ba gsum pa'i tshes la bod kyi rdo rje gdan dpal ldan sa skya'i chos grwa chen po bzhi thog bla brang gi yang rtse dpe khang gsar pa chos mdzod chen mor sbyar ba'i yi ge pa ni lugs 'di'i 'du byed la mkhas pa'i phul du phyin pa bsam 'grub kyis legs par bgyis so/ /'di bgyis dge bas bdag cag dpon slob kyi 'di phyi'i don thams cad yid bzhin du grub ste spyi dang bye brag gi bstan pa nam langs pa la nyi ma shar ba lta bu bya nus pa'i mthu dang ldan par gyur cig de de bzhin du gyur cig de las gzhan du nam yang ma gyur cig /