[A:87] sring mo sbrum/ ngo tsha nas shangs la 'thon/ rtag nag tu chags/ lhas ra gcig tu btsas pa'i ming / ming sring ngo tsha mnol bas khug pa/ lhas su btsas pas lhas btsas te/ mgos khug pa lhas btsas zhes yongs su grags pa de'o/
deb sngon las/ rta nag phu'i khug pa zhes par btsas pas khug pa dang / lhas skyabs pas lhas btsas zhes bya ba yin gyi/ snga ma de ltar du 'chad pa blun po'i gtam mo zhes bshad/ gang na'ang / bstan pa phyi dar gyi chos log sun 'byin pa la/ lo chen rin bzang gi rjes nas 'di bka' drin che ba yin te/ rab dbye las/ de dag 'das pa'i 'og tu yang // chos log 'ga' zhig 'phel ba'i rgyus// lhas btsas zhes bya'o lo tsA ba// des kyang sngags log sun 'byin pa// zhes bya'i bstan bcos mdzad nas ni// chos dang chos min rnam par dbye// zhes bshad pas so/
de nas 'grom ('brom) ston pa snga ste/ sum stong brgya dang zhe dgu 'das pa'i lnga bcu pa me mo sbrul
spyi lo 1017
la 'brom ston pa bltams/ lo de nas lnga brgya dang zhe bdun song zhing / phyi dar sa mo bya nas drug cu rtsa dgu lon/ 'di mar pa lo tsA bas lo lngas gzhon/
rgyal ba'i bka' thams cad kyi snying po/ skyes bu gsum gyi lam rim/ gdams ngag tu dril nas nyams su len pa'i bka' gdams zhes pa'i snyan grags can te (de) khong gi bka' drin las dar ba yin la/ 'di'i brgyud 'dzin la phyis bka' gdams gzhung pa dang / gdams ngag pa gnyis su grags te/ deng sang 'di'i slob ma'i gtso bo thugs sras sku mched gsum zhes