[A:88] grags pa'i/ pho chung ba (phu) gzhon nu rgyal mtshan/ pu to ba rin chen gsal/ spyan mnga' (snga) ba tshul khrims 'bar dang gsum las/ pu to ba ni bka' gdams gzhung drug la 'chad mnyan dang / skyes bu gsum gyi lam rim la sgrub pa zung 'jug tu mdzad pas gzhung pa dang / spyan snga ba ni sgrub pa gtso bor mdzad nas gdams ngag pa zhes bya'o/
de la gzhung drug ni/ skyes tshoms dad pa'i gzhung / sa rgyan ting nge 'dzin gyi gzhung / spyod dus (btus) spyod pa'i gzhung ste rim pa ltar/ skyes rabs dang ched du brjod pa'i tshoms gnyis/ byang sa mdo sde rgyan gnyis/ spyod 'jug dang bslab btus gnyis so/
skyes bu gsum gyi lam rim ni/ dal 'byor rnyed dka'/ 'chi ba mi rtag pa/ las rgyu 'bras gsum gyi sgo nas/ 'bras bu lha mi'i go 'phang thob pa'i phyir du las 'bras kyi spang blang tshul bzhin byed pa ni/ mngon mtho'i theg pa ste skyes bu chung ngu'i lam/ 'khor ba'i nyes dmigs bsam pa'i sgo nas lta ba bden bzhi dang rten 'brel bcu gnyis rtogs te/ 'bras bu 'khor ba spangs pa'i myang 'das tsam thob par byed pa ni/ theg dman gyi lam ste skyes bu 'bring gi lam/ byams snying rje byang chub sems kyis rgyud sbyangs nas 'bras bu gzhan [don] du sangs rgyas thob par byed pa ni/ theg chen gyi lam ste skyes bu chen po'i lam zhes bya ba yin no/
kha cig/ 'brom nas pu to ba las brgyud pa la gzhung dang / dgon pa ba nas sne'u zur pa la brgyud pa [la] gdams ngag pa zer ro/
de lta bu'i 'brom des/ rang lo so brgyad pa la mnga' ris su jo bo rje