[A:89] dang mjal/ de nas brtsams te jo bo gshegs pa'i bar lo bcu gsum du jo bo dang 'bral med mdzad/ jo bo gshegs pa'i phyi de lug gi lo la snye thang du dgongs rdzogs sogs bsgrubs/ de'i phyi de sprel lor rwa sgreng btab nas/ rang lo drug cu'i bar lo dgu'i ring la bka' gdams pa rin po che'i bstan pa gsal bar mdzad do/
'brom gyi rjes nas 'brog mi'i slob ma man ngag 'dzin pa se mkhar chung pa dang / rgyud 'dzin pa 'khon dkon mchog rgyal po snga ste/ de yang sum stong brgya dang nga bdun 'das pa'i nga brgyad pa shing mo glang
spyi lo 1025
la se mkhar chung pa bltams/ rang lo dgu bcu rtsa brgyad pa'i bar du bzhugs shing / lo bco brgyad kyi bar du 'brog mi'i zhabs pad bsten/ 'brog mi'i gsung ngag gi bstan pa 'dzin pa la bka' drin che zhing slob ma'i mchog kyang gsung ngag rab tu thob pa zhang ston sku mched/ 'bring du thob pa zha ma lcam sring / tha mar thob pa spen thog sgom chen gsum mo/
sum stong brgya dang re drug 'das pa'i re bdun pa shing pho khyi spyi lo 1034
la 'khon dkon mchog rgyal po bltams/ 'brog mi'i thugs sras gzhung 'dzin pa chen por gyur/ rang lo bzhi bcu pa la dpal ldan sa skya bod gangs can gyi rdo rje gdan chen po btab ste/ rgyud man ngag gi bstan pa gsal bar mdzad/ dgung lo re dgu chu pho rta dbyug zla'i tshes bzhi la gshegs zer/ 'di bltams pa'i shing khyi nas lo lnga brgya dang sum cu lon zhing / phyi dar sa mo bya nas drug cu rtsa dgu lon no/
'khon gyi rjes nas/ rje mi la snga ste/ sum stong brgya dang don gnyis