[A:92] bas dad brtson skyed de tshol cig ces pa ltar btsal bas/ dngos dang rmi lam du ci rigs par mjal ba'i mthar/ phu la ha rir zla ba gsum du snyan brgyud kyi gdams pa dang lung bstan sogs kyis gdams te nA ro pa mkha' 'gro ma'i rol mos bsus te mkha' spyod du gshegs/ phu la ha rir gtor mchod la sogs pa ci yang mi snang bar mar pa kho na lus gda' skad do/ zhes bshad pa ltar ro/ 'on kyang 'di 'ja' lus su gshegs pas jo bo'i phyag gi gdung la sogs pa gdul bya 'ga'i snang ngor tsam ste/ 'di nyid dpal ldan sa skya pa chen pos rnal 'byor dbang phyug dang mjal ba'i tshul ltar khong du chud na rtsod pa thams cad rang grol du kho bos rtogs so/
ras chung pa la thugs sras bcu gsum zhes grags te/ rgyal ba lo gtsang pa gsum/ rwa bla ma chos sgom/ sum pa chos rdor/ bur sgom nag po/ zangs ri ba/ 'gro sgom don grub/ gra byi (phyi) ba rdo rje 'od/ cung ston rgyal mtshan/ cung ston rgyas pa/ dge bshes khyung po/ lha rje lha 'bar dang bcu gsum mo/
mi la'i rjes la/ rje ga ya dha ra byon pa yin te/ sum stong brgya dang don gsum 'das pa'i don bzhi pa lcags mo sbrul
spyi lo 1041
la ga ya dha ra dang po bod du byon/ de yang spyir pan chen 'di 'das lo nas nyis stong gya drug dang / bi rU pa bltams pa'i me sbrul nas stong dang drug 'das pa'i chu mo sbrul la sku bltams/ spyir rang lo sum brgya dang lnga bcu bzhugs pa'i nyis brgya brgyad cu rtsa dgu lon pa'i tshe/ 'brog mis spyan drangs nas lan dang po byon/ lha rtse'i brag dang mu gu lung du lo gsum gyi bar du 'brog mi la kyai