[A:93]rdor gyi rgyud kyi bshad pa dang gsung ngag rin po che'i bka' drin stsal te/ ga ya dha ra zhes grags te/ sprin 'dzin nam 'gro ba 'dzin pa zhes bya/ spyir 'di lan gsum byon pa'i/ lan gnyis pa 'gos los spyan drangs te/ rgyud bshad dang / rnal 'byor dbang phyug gi sa dbang gi rab dbye la 'gos kyi sgyur mdzad pas gsung ngag gi cha shas cung zad snang bar sems/
'gos 'dis thog mar 'brog mi'i spyan sngar byon kyang sngon gyi 'brel pa med pa'i dbang gis ma mgu ste/ 'brog mi la 'gran bzod pa'i phyir mai tri pa spyan 'dren par brtsam pa las/ pan chen 'dis mai tri par zhal gyis 'ches nas 'gos dang lo pan du sdebs nas byon/ rjes su 'brog mi dang mjal/ phan tshun brda 'phrod nas 'brog mi dang lo pan du sdebs zhes grags so/
lan gsum pa gyi jo zla ba'i 'od zer gyis spyan drangs/ gyi jo'i slob ma 'ga' yar gyis mdzad pa'i rdo rje tshig rkang gi bshad pa dang / gyi jos bsgyur ba'i rdo rje'i tshig rkang dang / ga ya dang gyi jo'i slob ma nyos (gnyos) lo ston grags kyi ra li'i yi ge na yang gsung ngag gi brda chad mang po snang bas/ lo tsA ba gnyis slob brgyud dang bcas pa la/ dbang dang 'grel ba'i gsung ngag gi cha shas cung zhig 'phel bar mngon/ gsung ngo/ 'on kyang yongs su rdzogs pa ni bla chen kho na'i spyod yul lo/
zhwa lugs pa dag/ ga yas lan bzhi byon pa'i dang po/ lo tsA ba gzhon nu shes rab kyis spyan drangs/ 'brog mi dang lha rtse brag la slob ma'i 'brel rtags/ paNDi ta zla ba dmar po can zhes grags/ gnyis pa dang bzhi pa la ga ya dha ra dang / gsum pa 'gos kyis spyan drangs pa'i tshe paNDi ta sprin