[A:118] shin tu mkhas pa shes 'dug/
de bzhin du gsang 'dus 'phags lugs kyi brgyud pa'i lo rgyus dang / do ha skor gsum gyi brgyud pa'i lo rgyus rnams las kyang / zla grags klu sgrub kyi zhabs zin du byas pa'i lo rgyus kho na snang / 'on kyang rigs pa'i khu byug zla grags kyis zhabs zin yin la/ a ti sha rigs pa'i khu byug gi dngos slob yin zhing / nag tshos jo bo spyan 'dren la phyin pa'i tshe yang / rigs pa'i khu byug bzhugs pa rnam thar dang lam yig dag na gsal bas/ de dag gi lo grangs rtsis na mngon sum du mi 'grig pa ltar snang ste/ sa lugs kyi bstan rtsis ltar na/ a ti sha 'das lo nas lo sum stong lhag tsam 'das pa'i tshe byon par mngon sum gyis grub/ klu sgrub 'das lo nas lo bzhi brgya on pa'i tshe byon nas lo drug brgya bzhugs zer bas/ 'das lo nas lo stong 'das pa'i tshe klu sgrub mi bzhugs par khas blangs pa'i rtags grub/ de nas zla grags kyis lo lnga brgya bzhugs zer ba dang / rigs pa'i khu byug gis lo sum brgya bzhugs zer ba rnams rtse mthud nas klu sgrub zla grags rigs pa'i khu byug gsum gyi lo grangs kyang / 'das lo nas sum stong du sleb pa la lo stong dang nyis brgyas chad pas/ a ti sha dang / rigs pa'i khu byug dus mi mtshungs pa'am/ zla grags dang klu sgrub dus mi mtshungs pas gang 'os shig tu khas blangs dgos byung ba'i phyir ro/ yang rigs pa'i khu byug gnyis su byas pa'i chung ba jo bo'i bla mar byas na 'grig tsam yong bar sems so/ des na kho bo ni lung rigs kyi legs bshad sngar bshad pa ltar/ klu sgrub kyi lo drug brgya las ches lhag pa zhig bzhugs pa'am/ yang na dag pa'i snang ba kho nas zhal mjal