[A:126] bsten dka' ba zhig 'dug pas chos 'brel ma zhus gsungs pa yang snang bas thugs bze reg yod par snang
/
'u yug pas sa skyar 'jam dbyangs sa skya pan chen la rnam 'grel gsan/ sa skyar bshad pa mdzad/ slob ma zhang mdo sde dpal sogs te/ rnam 'grel dar ba 'di 'jam mgon sa skya pa dpon slob kyi drin yin/
bo dong rin chen rtses gram ram du bshad pa btsugs/ slob ma bu ston grags seng dang / dbu ma pa shes rab 'bum sogs so/
'jam gsar gyis rkyang dar du bshad pa btsugs/ slob ma kun mkhyen chos sku 'od zer dang rong pa sga lo sogs so/
skyel nag grags seng la mchims chen mos zhal ta mdzad nas snar thang du bshad pa btsugs/ slob ma skyi ston grags 'bum dang chu mig pa seng ge dpal la sogs pa'o/
bcom ldan rig pa'i ral gri yang / yul phu thang pa yin la/ phyis snar thang du byon/ snar thang gi them pa la zhabs bzhag pa/ dbu la nyi ma shar ba/ snar thang gi tshogs dung bus pa gsum 'dzom pas rten 'brel gyi gnad zab mo 'grig/ mdze'i rnam rtog cung zad yod kyang / tshad ma rnam nges stong tshar gcig shar bas yul bud/ bka' bstan bcos kyi sgyur byang dang bam tshad sogs la nges nges mdzad de so sor 'debs/ deng sang bka' 'gyur bstan 'gyur zhes grags pa yang / thog mar khong gis phyogs su phyogs su sdebs/ bstan pa rgyan gyi me tog sogs bstan bcos po ti bcu drug tsam brtsams/