[A:141]bshad pa las shes so/ dgongs gcig la sogs pa'i bstan bcos brtsams/ thugs sras spyan snga bas 'grel pa yang mdzad do/ mthar rang lo don lnga pa glang lo zla ba gnyis pa'i nyer lnga la sku gshegs pa las/ slob ma gnyis kyis tshogs pa la zhal ston par gsol bas slar 'od gsal las bzhengs te nyi ma gnyis su chos gnang bas nyer bdun la gshegs so/ mchod pa gang la 'dzin zhus pas/ nyer lnga la gzung gsung nas lnga mchod du grags so/
'di'i thugs sras ni/ spyan snga ba grags pa 'byung gnas te/ 'di nyid rje btsun grags pa chos dbyings su gshegs pa'i gsol 'debs kyi tshogs dpon la/ chos rje sa pan gyis spyan drangs zhes kyang zer ro/ des na 'bri stag gnyis kyi bar na lo gcig las med la/ stag lung pa chen po rje btsun bsod rtse dang na mnyam/
chos rje sa pan shar la thegs pa'i tshe/ 'bri khung 'jig rten mgon po mjal gsung ba cung mi 'grig pa 'dra ste/ de'i [dus] 'bri stag gnyis char gshegs tshar bas/ des na de'i tshe 'bri khung spyan snga ba dang mjal las 'os med do/
de gnyis gling ras la lo bzhis gzhon no/
bka' gdams pa'i skor la/ glang thang pa shing pho rta lo yin pas sa chen las lo so brgyad kyis bgres/ sha ra ba lcags pho khyi lo ba ste/ sa chen las nyer gnyis kyis bgres/ bya yul ba gzhon nu 'od shing mo yos lo pa ste sa chen las bco brgyad kyis bgres/ bya 'chad ka ba ye shes rdo rje lcags mo sbrul lo pa ste sa chen las lo dgus gzhon/ stabs ka ba dar ma grags chu mo lug lo pa ste sa chen las lo bcu gcig gis gzhon/ 'od 'jo ba gzhon nu