[A:143]pa grub thob dgon g.ye dang bzhi'o/
de lta bu'i gtsang pa rgya ras de ni nga gcig pa dbo zla'i nyer lnga la gshegs so/ 'di nyid bltams pa'i lcags sbrul nas bzhi brgya dang nyag bzhi ru slebs pa ni shing pho byi lo 'di yin no/
gsum pa/ sum stong sum brgya pa'i skabs su byon pa ni/ ko brag pa/ khro lo/ sa lo/ rgod tshang pa rnams te/ de yang sum stong sum brgya gnyis 'das pa'i gsum pa lcags pho stag
spyi lo 1170
la ko brag pa bsod nams rgyal mtshan ding rir byon/ lo brgyad cu bzhugs/ dwags po bka' brgyud dang lam 'bras zha lugs sogs nyams len mdzad/
slob ma'i gtso bo yang dgon pa/ mchims nam mkha' grags dang gnyis/ gzhan yang dpyalcal lo/ khro lo/ chag lo/ gnyal lo ste/ lo tsA ba bzhi'o/
deb sngon las ko brag pa sa pan dang dgung mnyam yin zer ro/ dus gsal gyi lugs ltar na sa pan las lo skor gcig gis bgres so/
sum stong sum brgya dang bzhi 'das pa'i lnga pa chu mo sbrul (chu pho 'brug la babs/ dpe sgrig pas) spyi lo 1172
la khro phu lo tsA ba byams pa dpal byon/ 'di ni phag gru pa'i dngos slob rgyal tsha ri mgon dm: rin chen mgon po dang / de'i dbon po kun ldan gtsang pa ras chung gnyis yod pa'i/ kun ldan ras pa'i dbon po yin la/ kun ldan ras pa'i slob ma gcig ri mas dm: ma cig re ma/ nya pa lus skyes zhes pa la bu gcig skyes pa skyes bu dam pa gcig %'byor ldan% shes nas gso skyong mdzad pas gces sgom rdzong par grags/ mkha' skyong brag pa zhes kyang bya/