[A:3] byams pa'i 'dab stong blo gros ze bas mdzes//
rnam dpyod sbrang rtsis legs bshad dri bsung spel//
blo gsal bung ba sdud pa'i chu skyes tshal//
rgyal ba'i bstan 'dzin mtshan ldan bla ma rgyal//
tshangs dang lha dbang khyab 'jug dbang phyug sogs//
lha dang lha min 'jig rten 'jin rten kun gyi skyabs//
gsung skyes bse ru sogs kyi bla ma ste//
blo ldan sems dpa'i yab gyur thub dbang rgyal//
gang de'i bstan pa lung rtogs dam pa'i chos//
de 'dzin smra dang sgrub pa'i bshes gnyen mchog//
de nyid bsrung ba'i sa skyong rgyal po che//
bstan pa bstan 'dzin bstan skyong bcas kun rgyal//
de lta'i thub dbang bstan pa gnas pa'i tshul//
bstan 'dzin skyes bu ji ltar byon pa'i tshul//
bstan rtsis 'di ni lhag bsam rab dkar bas//
bstan la dad pa'i klu sgrub bdag gis 'chad//
de ltar cung zad mchod par brjod cing rtsom par dam bca' ba sngon du btang nas/ bstan rtsis gsal ba'i nyin byed lhag bsam rab dkar zhes bya ba zhig 'chad par bzhed pa las/ de yang gzhi gang zhig la brten nas rtsom/ brjod bya ji lta bu zhig tu bsdus nas rtsom snyam na kho bo'i bstan rtsis 'di ni/ rang bzo ma yin par/ rje btsun 'jam pa'i dbyangs kyi ngo bo dpal ldan sa skya paNDi tas mdzad pa'i sdom gsum rab dbye las/ sangs rgyas gsung rab dri ma med// bsdu ba dang po byas pa'i rjes// zhes pa nas/ de nas chos rje sa skya pa// chen po bzhugs pa yan chad du// chos log spyod pa nyung zhes thos// zhes sogs kyi bar gyi gzung la gzhi bcas/ rje btsun bsod nams rtse mos mdzad pa'i chos la 'jug pa'i sgo dang / rje btsun grags