[A:166]mtsho/ gu ge g.ya'/ pu rangs gangs kyis bskor bas stod mnga' ris skor gsum chol kha gcig/ gtsang la g.yas ru dang g.yon ru gnyis/ dbus la sbu ru dang g.yo ru gnyis te bar dbus gtsang ru bzhi chol kha gcig/ tsha ba sgang / po 'bor sgang / rmar khams sgang ste mdo khams sgang gsum chol kha gcig yin zer ro/
slar zhe gcig pa dpal ldan sa skyar phyab phebs/ zhe gsum pa me mo glang la/ rgyal po jin gyim gyis sbyin bdag mdzad de/ gtsang chu mig ring mor dge 'dun khri phrag bdun la gser ja gos dar sogs kyis mchod nas chos kyi 'khor lo bskor te/ zhe drug pa 'brug lo zla ba bcu pa'i nyer gnyis la bde bar gshegs so/
'di nyid la slob ma'i mchog man ngag gi bka' babs zhang dkon mchog dpal dang / dge slong kun blo gnyis/ rgyud kyi bka' babs dga' ldan pa bkra shis dpal dang / dga' ldan pa kun bsod gnyis/ mgon po'i bka' babs dam pa kun dga' grags/ mnyes pa'i mchod g.yog ti shri grags 'od/ bla chen sangs rgyas sras/ ring phug pa dar ma rgyal mtshan/ sro lung pa kun smon dang bzhi'o/
nus pa'i bdag nyid gcung phyag na rdo rje dang / rgyal bu jin kim gnyis so/
gzhan yang che ba'i bdag nyid shar pa dus 'khor ba ye shes rin chen/ shar pa kun dga' seng ge/ shar pa 'jam dbyangs bzhi thog pa rin chen rgyal mtshan/ khang gsar ti shri sangs rgyas dpal/ gnyan tshul khrims rgyal mtshan/