[A:181]
phyogs las rnam rgyal ni mnga' ris dol por me pho rta la byon/ kun mkhyen dol po las lo bcu bzhis gzhon/ gzhon pa'i dus su dbus chos 'khor gling du gsan sbyongs mdzad/ dbus gtsang du grwa skor mdzad pa'i zhor la jo nang du kun mkhyen chen po'i zhabs zung bsten/ byang bdag chen tA dben nam mkha' brtan pas/ kun mkhyen dang dpon slob gnyis mnga' ris su spyan drangs/ chos sde chen po btab/ phar tshad kyi bshad nyan yang dag pa mdzad/ gdan sa mkhan chen bstan rgyal ba la gtad nas rang lo zhe dgu pa la jo mo nang gi gdan sa mdzad/ lo lnga nas de yang gtad nas dbus la bzhud/ slar se mkhar chung du phebs/ dus 'khor sogs kyi 'chad nyan gnang nas/ sa ga li 'grem pa sum brgya tsam gyi nang nas/ gsol ja rgyug pa'i chos dpon brgyad cu tsam byung zer ro/
jo nang phyogs las pa 'dis dpal ngam rings chos sde'i chos sde bla brang dang 'du khang rnying pa dang shar nub kyi gra khang la sogs pa btab pas chos sde btab ces grags pa ni/ 'das lo nas sum stong bzhi brgya dang bdun cu rtsa 'dren gyi skabs su yin par sems la/ 'di nyid chos sde'i mkhan rabs lnga pa yin zhing / 'di nyid kyis mkhan po bsod nams rgyal mtshan la gtad rjes/ slar yang mkhan po mdzad cing de nas mkhan po bstan pa'i rgyal mtshan la gtad ces mkhan rabs las 'byung / khong gis mkhan po lan gnyis mdzad pa de/ khong pas jo nang gdan sa mdzad rjes yin nam ji ltar yin ma 'tshal/
gangs khrod pa grags pa dpal ni/ chu mo 'brug gi lo sgyer phu rgya