[A:183] stag sde la rgyab tu sku 'khrungs pa'i mkhan po shAkya seng ge spyan drangs nas chos sde chen po thog mar btsugs zhes 'byung bas sum stong bzhi brgya dang nyi shu tsam zhig 'das pa'i tshe dpal ngam rings kyi chos sde thog mar gzhi tshugs pa yin snyam du sems so/ des na kun mkhyen dol bu dang kun mkhyen gangs khrod pa byon pa'i chu pho 'brug nas lo grangs nyis brgya dang don gnyis 'das pa'i don gsum pa shing pho byi lo 'di yin no zhes khong du chud par bya'o/
sum stong bzhi brgya dang nyer bdun 'das pa'i nyer brgyad pa shing mo lug
spyi lo 1295
la rgyal sras thogs med bzang po dpal lho phul chung du byon/ bcu bzhi pa la bsam gling pa dpal 'bar dang / rin chen dpal bzang gi drung du rab tu byung / mtshan bzang po'i dpal zhes gsol/ bco lnga pa la bo dong er slob dpon kun dga' rgyal mtshan pa'i drung du mngon pa sogs la sbyangs/ 'jam dbyangs nyi ma rgyal mtshan pas/ mngon pa nas zang zing med pa'i tshor ba sdug bsngal bshad kyang / zang zing med pa dang / tshor ba sdug bsngal srid pa 'gal bas lan thobs gsungs pa la/ nyan rang dgra bcom pa la nyon mongs med kyang / snga ma'i las dbang gi tshor ba sdug bsngal 'byung tshul bshad pa'i sgo nas lan mdzad pas/ thogs med bzang po dpal zhes snyan par grags/ dpang lo bu dol chos rje bla ma la sogs pa'i mkhas grub dam pa bsten nas bcu gu pa la bshad pa'i dga' ston spel/ nyer gcig pa nas 'chad po'i ring lugs bskyangs/ nyer dgu pa la byang sems rin mgon dang / nam mkha' sangs rgyas sogs las bsnyen par rdzogs/ so gnyis nas zhe gcig gi bar du bla brang rta ra'i gdan sa mdzad/ de nas e'i chos kyi khrir gsol ba