[A:187] mkhan chen bsod nams bzang po/ dpal ldan seng ge sogs las mdo rgyud kyi zab don blangs/ 'chad rtsod rtsom gsum gyi sgo nas bstan pa'i ring lugs legs par bzung / dbus gtsang gnyis su 'dus pa chen po rnam gnyis kyi chos kyi 'khor lo bskor/ rje btsun gong ma'i bka' bsdu ba mdzad de/ bstan pa rin po che gsal bar mdzad do/
de yang re gcig pa byi lor bo dong e'i chos grar/ bo dong er gtsang phyogs kyi dge 'dun stong phrag bzhi bcu dang re gnyis pa glang lor bsam yas su dbus phyogs kyi dge 'dun stong nyi shu la/ gser dngul zho dar la sogs pa'i zho 'gyed dang / 'bel ba'i gtam gyis dga' ba bskyed/ snye thang du dus kyi 'khor lo 'chad pa na dpe 'grems don gnyer ldan pa lnga brgya lhag cig 'dus/ bstan 'gro'i bya ba rgya cher mdzad de/ stod lung pa shes rab rdo rjes 'jam dbyangs gzi 'od 'bar bar mthong ba sogs dag pa'i snang ba bstan/ 'di nyid kyi bka' 'bum la yang po ti nyi shu rtsa lnga bzhugs/ dgung lo re bzhi pa shing mo yos kyi lo zla ba drug pa'i nyi shu lnga'i nyin dag pa'i zhing du gshegs so/
slob ma'i mchog ni/ sngags kyi rgyal tshab chen po gnyis/ gsung ngag 'dzin pa'i thugs sras brgyad/ bstan 'dzin gyi skyes bu chen po bzhi/ yongs grags kyi mkhas pa chen po bcu gcig go/
dang po ni/ snar thang pa sher snang ba dang / yar lung pa seng ge rgyal mtshan gnyis so/
gnyis pa ni/ sngags 'chang gzungs pa/ dpal ldan tshul khrims/ bla