[A:189]sgang pa sgra pa shes rin sogs las rgyud pa yin la/ brgyad pa ni spyan snga pa nas rje tsong kha pa sogs pa'o/
bstan 'dzin skyes bu bzhi ni/ bu dol rgyal sras pa mkhan chen g.yag pa dang bzhi'o/
yongs grags kyi mkhas pa bcu gcig ni/ ma ti pan chen/ red mda' pa gzhon nu blo gros/ ne rings pa 'jam dpal rdo rje/ theg chen chos rje kun dga' bkra shis/ gnyag phu ba bsod nams bzang po/ rtog ge pa dkar po dpal ldan bzang po/ grub chen buddha shrI/ karma rol pa'i rdo rje/ spos khang pa rin chen rgyan/ lha btsun bsam yas pa/ shar tsong kha pa blo bzang grags pa rnams so/
sum stong bzhi brgya don gnyis 'das pa'i don gsum pa lcags pho 'brug
spyi lo 1340
la karma rol pa'i rdo rje kong yul du byon/ chos rje bla ma las nyer brgyad kyis gzhon/ lo gsum pa'i tshe/ nga karma paka shi'i skye ba yin 'jam gling 'dir nga'i gdul bya mang du yod gsungs/ mkhan chen don grub dpal dang gdan gcig pa bsod nams 'bum las rim gyis rab byung bsnyen rdzogs mdzad/ mtshan chos kyi grags par gsol/ rol pa'i rdo rje ni/ rang byung rdo rje'i gsang mtshan yin zer/ nyer gcig pa la hor gyis gdan drangs te/ the mur gyi bla ma mdzad zer/ bla chen bsod blos ti shri mdzad pa'i skabs tsam yin par sems/ dgung lo zhe bzhi pa chu phag gi zla ba bdun pa'i tshes bco lnga'i tho rengs gshegs so/
gNyag Phu Pa bSod Nams bZangs Po
sum stong bzhi brgya dang don gsum 'das pa'i don bzhi pa lcags mo