[A:10] dang nyag ma bzhi kho nar nges te/ lnga brgya phrag gcig ni/ lnga brgya tha ma la dam pa'i chos ltar bcos pa 'byung zhes pa de nyid yin pa'i phyir ro/ de ltar na ston pa 'das pa'i sa pho byi lo nas sum stong 'das pa'i phyi de'i sa pho byi lo ni lung ngam mngon pa'i dus kyi bstan pa'i thog ma yin la/ sa byi de nas drug brgya go bdun pa ni/ da lta'i shing pho byi ba 'di yin zhing / 'das lo nas sum stong lnga brgya 'das pa'i phyi de'i sa pho sprel lo ni/ mdo sde'i dus kyi bstan pa'i thog ma yin la/ sa sprel de nas brgya dang go bdun pa ni da lta'i shing pho byi ba 'di yin no/
gsum pa gzhan gyi rtsod pa spong ba ni/ 'o na sa lugs dang jo lugs gnyis la lo gsum gyi khyad par las med pas 'gal ba cher med mod/ dus 'khor lugs dang lo stong dang sum brgya lhag cig gi khyad zhugs pa dang / de bzhin du kha che pan chen gyi lugs dang yang bar khyad ha cang che bar yod pas ji ltar yin snyam na/ 'di la 'jam dbyangs sa paNDi ta'i gsung gis kha che pan chen gyi lugs de ltar rgya bal gyi panDi ta mang po yang bzhed mod/ 'thad pa ma yin te/ rgya gar na nyan thos senda ba rnams/ ston pa 'das nas lo du song rtsi ba zhig yod pa las/ ma ga dha'i thub pa chen po'i sku gzugs de/ slob dpon tho (mtho)btsun grub rje dang / bde byed bdag pos mdzad par bzhed nas tsan dan gyi lde gu spungs pa na/ rang byon du byung ba'i dus de nas lo du song rtsi ba'i rtsis dang / phan tshun 'khrugs nas/ pan chen gyi rtsis de ni ma hA bo dhi rang byon du byung ba'i dus kyi thog ma la/ ston pa'i 'das lor bzung ba yin te/ gzhan du na lha mo dri ma med pa'i 'od lung