[A:235] zab don gyi bdud rtsi zhus shing / skyed mos tshal du byams chen rab 'byams pa 'dus pa'i tshogs dang bcas pa la/ bsnyen cing bkur bas dges par mchod/
kun mkhyen go rams pa
sa zur 'chad ma gnang nas lo gcig song ba/ nyid kyi
so bzhi pa khyi lo/ 'jam dbyangs rje dang gnyis la zur gnas legs bshad spel ba'i 'os su bka' bstsal/ lo bcu gsum gyi bar du blo gsal don gnyer nyis brgya skor la legs bshad kyis yid gsos par mdzad/ zhe bdun pa phag lor mi dge ba'i rkyen grogs su shar te/ blo gsal shes ldan brgya phrag gnyis bdang bcas/ bsod nams kyi dpal la dbang sgyur ba'i sde dpon so sos mthun pa'i rkyen sbyar te/ gnas nges med du legs par bshad pa'i char phab/ de yang yul dbus kyi sman ljongs su shar te phag byi glang gsum/ gtsang chu gru gsum du stag mos 'brug gsum/ yar 'brog tu sbrul lo/ rkyang 'dur du rta lo/ nor bu sgang rgyang gdong sogs su lug sprel gnyis te/ lo bcu'i bar du gnas nges med du 'chad pa'i zlos gar ci yang bsgyur to/
nyid kyi lnga bcu rtsa bdun pa sa mo bya'i lor/ gtsang stod bsod rgyal gyis mthun pa'i rkyen sbyar te/ zla ba lnga pa'i tshes bzang po la dpal mnyan yod bya rgod gshongs kyi chos grwa chen po btab/ kun mkhyen go rams chen po gshegs pa'i lo de yin/ de'i phyi lo nyid kyi nga brgyad pa khyi lor 'phags mchog klu sgrub rgyal tshab tu dbang skur te/
lo bcu gsum du 'phags mchog rjes 'chad pa'i rgyun bzungs shing / paN chen chos rje gnas nges med du skal par 'tshams pa la zab sngags kyi chos kyi 'khor lo bskor/ nyid kyi bdun cu pa chu pho khyi lo 'phags mchog dag pa'i dbyings su gshegs te/ slar nyid kyis mnyan