[A:12] dpal sbas/ ye shes snying po/ zhi ba 'tsho rnams bar ma chad pa yin zhing / zhi ba 'tsho khri srong lde btsan gyi sku ngo la yin la/ srong btsan nas khri srong gi bar rgyal rabs bzhi tsam song ba'i phyir ro/ de ltar na legs ldan 'byed rkyang pa'i ngo la lo stong tsam 'gro dgos pas ha cang mi 'grig pa'i phyir dang / mkhan rabs gsar pa'i lugs la'ang / klu sgrub nas mkhan rabs bdun gyi bar la lo nyis stong dang bzhi 'gro don med pa'i phyir ro/ zhes zer/
de la lan ji ltar snyam na/ klu sgrub kyis rdo rje gdan gyi ma hA bo dhi la bdag rkyen mdzad par bshad du chug mod kyang / ma hA bo dhi de/ mtho btsun grub rje'i dus kyi rang byon de nyid yin pa'i nges pa ni med de/ spyir 'phags yul rdo rje gdan du byang chub chen po ma hA bo dhi'i sku mang du byon pa las/ sangs rgyas kyi rab gnas can gyi sku de ni deng sang bod na bzhugs pa 'di yin/ de mtshams ma ga dha'i khyim bdag ma hA pA lA dang yum ye shes kyi mkha' 'gro ma zhig la bu gsum byung ba'i che ba gnyis phyi pa dang / chung ba nang pa la dad pas 'thab bo/ mas rkang mgyogs byin te/ ti si'i gangs can du btang ba na/ tshes bco lnga la ma hA de wa u ma dang bcas pas dgra bcom pa rnams la chos ston 'dren pa dang 'dzoms/ su bzang dris pas nang pa la brten nas nga yang mthar thug sangs rgya bar 'dod zer bas bu gsum nang pa la zhugs/ che bas wA ra na sir lha khang dang / bar pas je ta'i tshal du lha khang rtsigs/ chung bas rdo rje gdan du phyi gandho la nang du lha khang byas te/ ma na re bu khyod bzo bo rgyags gsum nang du chug la sgo la lcags gzer rgyob la zla ba gsum zhag gsum la tshar bar gyis zer/ zla ba