[A:13]gsum dang zhag gnyis nas/ ma na re/ sgo phye zhig/ sang nga 'chi da lta sangs rgyas mthong ba nga bas med pas ngas 'dra mi 'dra lta dgos zer/ sgo phye bas lha bzo ba sprul pa yin pas nam mkha' la yal/ sku shin tu mtshar ba dgung lo sum cu pa'i sku tshad cig bzhengs/ zhag gcig ma tshang bas zhabs g.yas pa'i mthe'u chung cung zad ma rdzogs zhes 'byung ba'i sku de ni ston pa 'das nas lo brgya skor la byung / de rjes mtho btsun grub rje mched kyis bzhengs pa'i sku ni/ ston pa 'das nas lo stong dang lnga brgya gya dgu 'das pa'i dgu bcu pa me mo sbrul la byon pa yin pas/ klu sgrub kyis bdag rkyen mdzad pa'i ma hA bo dhi de/ khyim bdag ma hA pA la'i bu chung bas bzhengs pa'i gandho la'i nang gi sku de yin no/ zhes bshad na skyon ci yang med pa'i phyir dang / gal te mtho btsun grub rje'i rang byon gyi sku yin par byed na yang / klu sgrub kyis lo drug brgya las ma bzhugs pa ni/ klu sgrub rang gi dbu rgyal po mthar 'gro gzhon nu'i sras gzhon nu nus ldan la sbyin par ma btang gi bar gyi spyir btang gi skad cha yin gyi/ dmigs bsal la dbu sbyin par btang nas bde ba can du gshegs pa'i rjes su yang / dbu dang sku lus 'grig nas 'gro ba'i don mdzad ces bshad pas/ slar yang sku tshe lo mang po'i bar du bzhugs par grub pa'i phyir ro/
skyon gnyis pa'i gnod pa ni/ khyed kyi rtsod pa ni/ rgya gar gyi pan grub dag gi sku tshe'i tshad blor ma shong ba'i bab col kho nas dkrugs pa yin la/ kho bo cag/ ston pa 'das nas lo nyis stong lnga brgya nas gdong dmar can gyi yul du chos dar bar lung bstan pa'i don ni/ nyis stong lnga brgya dang bzhi bcu