[A:264]dang po ni/ kun shes las/ de bzhin bram ze pA Ni ni las kyang / rang ming ldan pa'i bstan bcos chen po sbyar/ /zhes gsungs pa ltar/ bram ze pA Ni ni byung tshul spyi don du gsal zhing / spyir 'phags pa'i yul du grags pa'i sgra mdo ka tsan gnyis su ma 'dus pa dbyangs can byA ka ra Na ka lA pa'i mdo shin tu rgyas pa zhig paNDi ta rA dza shris ka tsan gnyis kyi don bsdus pa rA dza shri byA ka ra Na zhes bya ba dang / rje btsun mchog gi sprul pa'i sku'i chos 'byung las/ rgyal po tsanda skyong gi grogs po bram ze indra dhu ba zhes bya bas lha'i dbang po bsgrubs nas sgra'i ngems gnas zhus te/ des bshad pa bris pa indra
dbang po'i brda sprod pa
byA ka ra Na zhes grags pa sho lo ka nyis khri lnga stong yod pa 'di la lhas bstan pa'i brda sprod pa zhes zer ro gsung bas/ indra byA ka ra Na'i bshad rgyun yang rgya gar na yod par gsal lo/
gnyis pa ni/ kun shes las/ de la tsandra go mis bsdus pa yi/ /gzhung la tsandra par grags chos 'bangs kyis/ /byas pa'i 'grel pa dang bcas bod du 'gyur/ zhes slob dpon chen po tsandra go mis mdzad pa'i tsandra pa char gtogs dang bcas pa byung tshul stod pa ste/ de yang lo rgyus yongs grags rnams spyi don na gsal zhing / der cung mi gsal ba rje btsun mchog gi sprul pa'i sku'i chos 'byung du gsal ba ni/ slob dpon tsandra go mis ni shar phyogs wa randrar 'phags pa spyan ras gzigs kyi zhal mthong ba'i paNDi ta zhig mu stegs rgyang 'phen pa'i ston pa zhig dang rtsod par gyur te/ de'i ring lugs sun phyung yang rig pa ni blos rnam par brtags pa yin pas/ gang blo sgrims pa de rgyal bar zad kyis/ skye ba snga phyi yod pa'i rtags mngod sum du