[A:15]po 'khor bcas kun dga' bar byas pas ming gnyis de ltar btags so/
des na de lta bu'i dus 'di ni bstan pa 'di la sangs rgyas byon pa'i thog ma'i dus bzang po zhig yin la/ 'di la lhums zhugs byang chub myang 'das kyi dus gsum tshang zhes mkhas pa dag 'chad mod/ lhums zhugs kyi dus rgya cher rol pa las bshad zer te/ de ltar kho bos kyang rnyed la/ myang 'das chen po'i dpe 'ga' zhig las myang 'das kyi dus chen du bshad pa yang mthong zhing / 'dul lung las bltams pa dang mngon par byang chub pa'i dus chen gnyis yod pa 'di ltar bshad de/ mgon med zas sbyin gyis bcom ldan 'das zla ba gang la btsas zhes zhus pas/ khyim bdag/ dpyid zla ba tha chung la btsas zhes dang / yang zla ba gang la bcom ldan 'das kyis bla na med pa'i ye shes khong du chud ces gsol pa dang / bka' stsal pa dpyid zla tha chung la'o/ zhes bshad/ de ltar bltams pa'i dus chen zla ba 'di la yod par bshad pa ltar na/ lhums zhugs zla ba 'di la ngos 'dzin pa la dpyad par byar yod do/ 'on kyang mdo tha dad kyi bshad tshul mang du yod pas/ phyogs gcig la zhen par mi bya zhing drang nges dang dag ma dag gi skabs phyed pa zhig rnam pa kun tu gces so zhes gdams so/
de bas na de lta bu'i sa ga zla ba'i tshes bco lnga nas bzung ste bdun phrag bdun 'das pa'i chu stod zla ba'i yar ngo'i tshes bzhi'i nyin/ gnas wA ra na sir/ 'khor kun shes kauNDi Nya/ rta thul/ rlangs pa/ ming chen/ bzang po ste lnga sde la/ sbyin bdag gzugs khams kyi tshangs pa gdong lnga pas/ yon gser gyi 'khor lo rtsibs stong ldan phul te/ rnam pa bcu gnyis dang ldan pa'i