[A:268]ngu rnam gsal yang dag rdzogs/ /zhes pa yang klu la zur za ba'o/ /de nas rig pa'i 'byung gnas na lendAr byon/ de nas zla grags dang rtsod pa mdzad pa'i tshul rnams phal cher spyi don gzhin la/ tsandra go mis thogs med kyi srol la brten te rnam rig gi phyogs bzung / zla grags kyis klu sgrub kyi gzhung sangs rgyas bskyangs sogs kyis bkral ba la brten te ngo bo nyid med pa'i phyogs bzung / lo gsum gyi bar du bgro gleng gi brgal brtag mdzad do/ rtsod pa de blta ba'i phyir skyes bo mang po rtag tu 'dus pas/ grong pa'i khye'u dang bu mo tshun chad kyis kyang phyogs tsam rig nas/ kye ma 'phags pa klu sgrub gzhung / /la la'i sman la la la'i dug /mi pham 'phags pa thogs med gzhung / /skye bo kun gyi bdud rtsi nyid/ /ces glur len no/ de nas na lendAr bzhugs nas/ bzo gnas brgya rtsa/ sgra/ rtog ge sman dpyad/ sdeb sbyor/ zlos gar/ mngon brjod/ snyan ngag skar rtsis la sogs pa'i bstan bcos mang du brtsams/ slob ma rnams la de rnams gtso bor bshad pa'i tshe/ 'phags ma sgrol mas/ sa bcu pa dang zla ba sgron me dang / /sdong po rgyan pa dang ni larka 'jug /rgyal ba rnams kyi yul gyur klogs shig kye/ /sdeb sbyor ngan g.yo'i sbyor bas khyed la ci/ /zhes gsungs pas phyi rol gyi rig pa'i gnas rnams nyung ngur bstan cing / rmad du byung ba'i mdo lnga po de dag dus rtag tu gsungs/ bdag nyid kyang nyid rer zhal 'don mdzad/ mdo de rnams la bsdus don re yang mdzad/ spyir snga phyir mdzad pa la bstod pa brgya dang brgyad/ nang rig pa'i bstan bcos brgya dang brgyad phyi rol gyi bstan bcos brgya dang brgyad bzo gnas brgya dang brgyad de phra mo thor