[A:277]par rol pa mkhan po thu mi sam bho Ta zhes bya ba chos kyi rgyal po srong btsan sgam po'i dus su byung bar gyur te/ de yang thu mi a nu'i bu thu mi sam bho zhes bya ba rgya gar du brdzangs paNDi ta lha rig pa'i seng ge dang / yig mkhan bram ze li byin la sogs pa la yi ge dang brda sprod pa'i tshul legs par bslabs/ mkhas par mkhyen/ bod du byon nas/ lha sa'i pho brang dgu mkhar mar bod la nye bar mkho ba'i gzugs 'cho bar mdzad de/ de yang rgya gar gyi phyi mo lnga bcu las/ bod du phyi mo sum cur byas/ dbyangs bcu drug las i u e o bzhi rnams dbyangs su mdzad/ a gsal byed du bsdus/ gsal byed las kyang Ta'i sde pa dor/ sde pa bzhan bzhi'i yang / bzhi pa rnams dang Sha rnams mi dgos par gzigs nas bzhag tsa tsha dza rnams rgya gar shar phyogs pa 'ga' zhig ca cha ja zhes te de gsum bkod/ rgya gar la med kyang bod la zha za 'a rnams dgos par dgongs te btsud/ de dag la nye bar mkho ba'i yan lag tu brda sprod pa'i gzhung tshan pa brgyad tsam mdzad par grags na'ang / bstan pa 'phel 'grib kyi dbang gis phal cher nub nas mi snang la/ sum cu pa dang rtags kyi 'jug pa gnyis ni ding sang du yang mkhas pa dpyod ldan thams cad kyis tshad grub tu mdzad cing / rgya gar mkhas pa'i gzhung lugs ltar rtogs dka' zhing / rtogs na gzhung don phun sum tshogs la gsung rab spyi la 'jug na yang gsal byed kyi mig lta bur gyur pa zhig ste/ de yang gzhung 'di nyid kyi yi ge'i rnam gzhag dang 'jug tshul sogs bod kyi skad gsung rab dang sbyor tshul rang tshugs thub par bshad cing / brdo sprod pa'i gzhung lugs chen po rnams dang sbyar na/ sum cu pa las ka lA pa'i ming le