[A:17]pas nye ba'i lnga sde zhes grags so/
de nas wA ra na si'i khye'u lnga bcus dgra bcom thob/ de'i tshe dgra bcom pa drug cu rtsa gcig byung ste/ dus der gnas wA ra na sir/ dge slong lnga sde bzang po sogs la/ khyim bdag dge bzang zhes bya bas dge 'dun gyi gtsug lag khang brtsigs nas phul ba'i thog ma byung ba yin te/ de yang khang bzang khyams bcu gnyis pa zhes pa dbus su dri'i gtsang khang / de'i g.yas g.yon du gnyis/ mdun du sgo khang / de'i g.yas g.yon du gnyis/ lho byang gnyis su yang gsum gsum mo de yang dri'i gtsang khang dang / sgo khang steng gi bsil khang gnyis bdun rtsegs/ gzhan rnams lnga rtsegs so/
de nas ral pa can gyi nags tshang tshing zhes par/ drug cu sde bzang pos dgra bcom pa thob cing / skyabs gsum khas blangs pa'i bsnyen par rdzogs zhes bshad/
de nas grong sde can du/ steng rgyas 'od srungs ral pa can spun gsum 'khor stong dang bcas pas dgra bcom pa thob/
de nas ma ga dhar rgyal po gzugs can snying po 'khor dang bcas pa bden pa la bkod/ 'od ma'i tshal du gtsug lag khang brtsigs te phul/ dge 'dun la rgyun gyi gsos sman/ sa bon bum pa stong gi sa gzhis grong g.yog dang bcas pa phul ba'i thog ma de nas byung ngo/
dus der/ mchog zung 'khor nyis brgya lnga bcu dang bcas pa dang / gzhan yang 'od srungs chen po sogs dgra bcom pa'i 'bras bu la bkod do/
de ltar ral pa can stong / mchog zung 'khor bcas nyis brgya lnga bcu