[A:288]skad cig la/ /gzigs tshe brda sprod byed pa sarbadznyA/ /skabs gsum bla ma'i stan las babs sam snyam/ /zhes gsungs pa yin no/ /
de bzhin du tshad ma rig pa yang bod ston rnams la mang du gsan cing / khyad par kha che paN chen la rnam 'grel le'u dang po'i 'grel pa stong phrag phyed dang bzhi pa yan gsan nas bsgyur cing zhus/ slob dpon thar pa'i 'byung gnas zhes bya ba'i rtog ge'i skad ces pa'i bstan bcos gsan cing bsgyur/ gzhan phyi rol rig byed kyi tshad ma drang srong chen po gzegs zan gyis sbyar ba'i rtog ge'i bstan bcos rig pa zhes bya ba sogs gsan cing / mdor na sde bdun mdo dang bcas pa'i yan lag thams cad thugs su chud cing / de dag gi don 'brel bar byed pa tshad ma rigs pa'i gter rtsa 'grel gnyis mdzad pa yin cing / nyid kyi gsung las/ shes bya'i mkha' la thogs med rgyu nus shing / /phas rgol nyi zla'i gzi brjid za nus kyang / /rtag tu skye bo kun gyis ma mthong ba'i/ /kun dga' rgyal mtshan nam mkha'i sgra gcan 'dra/ /zhes gsangs shing / /bstod pa mdzad pas kyang / /tshad ma gsum gyi gnas gsum gzhal bya'i don/ ma lus rtogs pas sgrub dang sun 'byin gyi/ /ma rtogs log rtog the tshom tshar gcod par/ /sde bdun mdzad pa'i blo bdun khyod kyi mtshan/ /zhes gsungs so/ /
yang sdeb sbyor gsan pa'i tshul yang / paNDi ta sangga shrI la dmar ser dang rgyal ba'i lhas mdzad pa'i sdeb sbyor gyi gzhung / khyad par de dag las yon tan brgyad kyis khyad par du 'phags pa slob dpon rin chen 'byung gnas zhi