[A:19]bsdus te/ gsol bzhi'i las kyis bsnyen par rdzogs par byas so/
'o na de'i tshe sgra gcan zin lo drug las ma lon pas/ lo bdun ma lon par rab byung bya bar bkag pa dang 'gal ba ma yin nam snyam na/ skyon med de/ sgra gcan zin yum gyi mngal du lo drug bzhugs pas/ mngal gyis kha bskang na lo bcu gnyis par 'gyur bas skyon las grol bar kho bo yang sems so/
de nas ston pa sangs rgyas nas lo bcu gnyis su/ ston pa 'di'i bstan pa dri ma'i skyon med par gnas pa yin la/ bcu gsum pa shing pho stag lor bzang sbyin gyis mi tshangs pa spyod pas tshul khrims kyi skyon dang / dge slong mchi ltas kyi lta ba'i skyon byung ba nas/ dgag sgrub gnang gsum gyi bslab pa'i bcas pa thog ma 'di nas bzung ba yin la/ de'i tshe dge slong lhas byin gyis/ mi dge ba'i bshes gnyen byas pas/ rgyala po ma skyes dgras yab gzugs can snying po sku'i 'tsho ba dang bral/ ston pa la sgyogs kyi 'phrul 'khor 'phangs te zhabs la khrag phyung ba'i mtshams med pa'i las bsags/ de rjes ston pa'i 'khor phye ste 'khor dbyen gyi mtshams med pa'i las kyang bgyis/ de rjes ston pas ma skyes dgra la chos bstan pas ma skyes dgra gzhi med kyi dad pa la bkod/ de rjes lhas byin gyis utpal'i mdog can khu tshur gyis bsad pas dgra bcom ma bsad pa'i mtshams med pa'i las kyang byas pas mtshams med gsum byas pas 'gyod cing gnas pa na/ ston pa rdzogs byed kyis shAkya'i nang nas khyod nyid mkhas pa zhig na las 'bras lta ga la zhig ces chad lta bstan pas/ lhas byin la skur 'debs kyi log lta skyes te dge rtsa chad/ mthar lus dmyal