[A:321]yang lhang mthong lo chen gyis kar lugs kyi rig gnas kyi rgyun thams cad bzung zhing / khyad par bal po dza gad rA dza'i gsung rgyun sgra rig gi legs bshad mang po rje btsun 'gyur med bde chen la stsal ba'i brgyud pa yang yod do/ /
yang lo chen pad dkar brang chen rab 'byams dpal ldan 'jam pa'i rdo rje/ sgang ra lo tsA ba 'od zer rgyal mtshan nas brgyud pa mang / sgang ra bas ni dpal khang lo tsA ba la yang kar lugs bshad rgyu rdzogs pa nyan no/ yang grub chen gyi dbon ngag dbang kun dga' blo gsal gyis 'brug lugs kyi rig gnas smra ba mang po la gtugs ba'i bshad rgyun yang stag tshang lo tsA ba la yod do/ /
yang sgra snyan ngag dpag bsam 'khri shing gi bshad rgyun zab bsdus tsam bsdus tsam ni snye thang blo brtan bzhi paN chen shAkya mchog ldan/ dbon shAkya rgyal mtshan/ tshar chen chos kyi rgyal po sogs nas brgyud pa yang yod do/ /
thams cad mkhyen pa klu sgrub rgya mtsho ni slob dpon gang la yang ma brten kyang / sngon gyi bag chags sad pa dang / lhag pa'i lhas byin gyis brlabs pas rig gnas thams cad thugs su chud cing / spel bar mdzad pa ni brgyud pa'i mchog yin no/ /
ces tha snyad rig gnas lnga ji ltar byung ba'i tshul gsal bar byed pa blo gsal mgrin rgyan legs bshad nor bu'i phreng ba zhes bya ba 'di ni rje btsun rdo rje 'chang blo gsal rgya mtsho'i zhabs pad kyi yan lag mchog tu reg pa'i bka'