[A:23] rgyal po shar pa yang dag pa'i lam la bkod ces bshad/
de ltar sangs rgyas nas lo zhe lnga'i bar 'gro don mdzad nas/ ti'u ra pas bdun cu don drug pa la dam chos padma dkar po gsungs/ brgyad cu pa la/ sngon drang srong gis 'bras so ba'i char phab pas 'bras spungs su grags pa/ lhas brtsigs pa shrI dha nya ka ta ga ste dpal so ba'i phung po'am/ 'bras spungs kyi mchod rten phyed mtsho'i nang du nub par zla ba bzang pos zhus pa'i ngor dus 'khor rtsa rgyud/ kye rdor 'bum phrag lnga pa sogs dang / mdo dgongs 'grel/ lang gshegs/ myang 'das chen po sogs gsungs so zhes bshad/ de yang dgongs 'grel yangs pa can dang / lang gshegs sngon srin pos bzung ba lang ka'i yu dang / myang 'das rtswa mchog tu gsungs pa zhes bshad/
brgyad cu pa la mya ngan las 'das pa'i zla tshes la yang sngar bshad pa ltar/ smin drug la ngos bzung ba dang / sa ga zla ba la ngos bzung ba dang / mdo ting nge 'dzin mchog dam pa dang / mya ngan las 'das pa'i dpe 'ga' zhig las dpyid 'bring la ngos bzung ba yang snang zhing / khyad par myang 'das las seng ge sgras gsol ba/ de bzhin gshegs pa thog mar bltams pa nas rab tu byung ba dang ngon par byang chub pa'i phyir dang / chos kyi 'khor lo bskor ba'i bar du kun kyang tshes brgyad dngas sbyor na/ mya ngan las 'da' ba 'ba' zhig tshes bco lngar sbyor/ bka' stsal pa tshes bco lnga la zla ba skye bri med pa ltar sangs rgyas bcom ldan 'das kyang de 'dra ste/ zhes sogs gsungs nas/ sku bltams pa dang / sangs rgyas pa dang / chos 'khor bskor ba sogs tshes brgyad dang / mya ngan 'das pa tshes bco lnga la ngos bzung ba ni/ sngar dang